السيسي يرد على مزاعم الاحتجاز والاختفاء القسري

رد الرئيس عبدالفتاح السيسي، على مزاعم وجود انتهاكات لحقوق الإنسان فى مصر.

وأضاف الرئيس السيسى خلال لقاء مع الصحفيين الأجانب على هامش منتدى شباب العالم :"هطرح عليكم طرح على شباب محايد مستعد ياخد كل البيانات اللى بتطرح ويتم تداولها فى الخارج، عن العدد والسياسيين والاحتجاز والاختفاء القسرى، ويتم خلال أسبوع أو شهرين الوقوف على حقيقة ذلك، ولما اللجنة دى تطلع بنتايجها تعلنها للناس".

وتابع:"هل الكلام ده حقيقى ولا لأ؟،  هل النهارده فيه الكلام اللى بيٌطلق ده،  بالأرقام اللى بتتقال دى حقيقي ولا لأ؟، أحيانا تكون البيانات التي يتم الحصول عليها ليست دقيقة وساعات الموضوعات التي يتم طرحها مبتبقاش موضوعات كاملة وبالطريقة دي هتكون الإجابة إن احنا دولة قانون ومبيتمش أى إجراء خارج إطار القانون وعدم التدخل فى شؤون القضاء مش هقول كده هقول هاتوا البيانات اللى انتوا بتقولوا عليها وهاتوا قوائم الاختفاء القسرى كان فيه لجنة اتشكلت فى أول مؤتمر شباب وأى إجراء خاطئ مستعدين نصوبه فى النهاية".

وقال الرئيس عبد الفتاح السيسى ، إن هناك حالة رضا نسبى للمواطن المصرى من الدور الذى تحاول أن تقوم به الدولة، وذلك حسب قدرتها.

وأضاف الرئيس السيسى خلال جلسته مع ممثلي الصحافة الأجنبية على هامش فعاليات منتدى شباب العالم في نسخته الرابعة،: أن الدولة تريد فعل المزيد من الإنجازات، وخاصة في تطوير النظام الصحى.

وتابع الرئيس السيسى: "لو أنت ماشى في قريتك وأنا بعمل شغل في قريتك هتشوفه".

وأكد الرئيس: "الناس لو قالت "لا" في الانتخابات، هسيبهم وأمشى".

وأضاف السيسي: " إرادة الناس في مصر هى المعيار، لو الناس في مصر مش عاوزانا نمشى على طول، وييجي حد تاني، ده الكلام النهائي غير كده يبقا محاولة للإساءة وتشوية شكل الدولة".

تعليقات القراء