«كتير من الجيش ميعرفوش الكلام ده».. السيسي عن اللواء سمير فرج: «كان قائد كتيبتي»
الموجز
قدم الرئيس عبد الفتاح السيسي التحية إلى اللواء سمير فرج مدير الشئون المعنوية الأسبق، وذلك خلال فعاليات الندوة التثقيفية للقوات المسلحة بمناسبة انتصارات أكتوبر المجيدة.
وقال الرئيس السيسي: "أوجه للواء سمير فرج التحية.. وكتير ميعرفوش الكلام ده وكتير من الجيش ميعرفوش الكلام ده.. اللواء سمير فرج كان قائد كتيبتي".
وأضاف السيسي موجهاً حديثه للواء سمير فرج: "اسمحلي يا فندم أنى أتكلم .. عمري ما ذكرتها في أي لقاء تليفزيوني.. وهذا الأمر أقدره لأني مش رافضه.. دائماً في الجيش الوحدة قائد.. لو القائد جاي يدير الوحدة قائد عظيم الوحدة تكون عظيمة والعكس صحيح".
وتابع: "كنت في الوقت ده ملازم أول.. والمقدم سمير فرج جاى يمسك الكتيبة.. القدرة العلمية للواء سمير معروفة جداً والسمعة الطيبة عنه.. وكان راجع من كلية القادة والأركان في بريطانيا.. المناظرة اللي تمت بين اللواء دكتور سمير فرج والرئيس شارون بعد حرب أكتوبر.. ولما روحت الكلية دي كانت المناظرة دي أشهر حاجة".
وأكمل السيسي: "دي السمعة للمقدم سمير فرج.. طب انا اتعلمت ايه منه؟ .. اتعلمت منه حل المشاكل.. في كل وحدة في الجيش فيه مشاكل.. خدنا ضابط استطلاع وأمن الكتيبة بعد أسبوع.. فوجئت أن كل المشاكل الموجودة في الكتيبة حلها.. له تاريخ في إيجاد حلول للمشاكل.. كل مشكلة وليها حل بهدوء ويسر وفكر.. اتعلمت منه ده.. وكان لى حظ أنى خدمت وهو رئيس اركان الفرقة 33 .. أوجه كل التحية والتقدير يا فندم.. مكنشى ممكن اعدى ومجتش الفرصة قبل كده أنى اشوف سيادتك".