«انت عبيط يابني».. وائل غنيم يشن هجوماً حاداً على محمد علي: «زعيم المعارضة بيكفر الناس.. وكان عايز يبني ديزني لاند بدل العاصمة الإدارية»
الموجز
وجه الناشط وائل غنيم انتقادات حادة للفنان والمقاول الهارب محمد علي، بسبب استخدامه الأكاذيب لإثارة الشعب المصري وتحريضه على الثورة وتخريب الوطن.
وظهر غنيم في فيديو لايف عبر صفحته الشخصية على موقع التواصل الاجتماعى "فيس بوك"، للتعليق على أكاذيب محمد علي بشكل ساخر.
وكان محمد علي قد قال في الفيديو: "ينزل مدرعة عشان تروح القليوبية ولا الكداية ولا أطفيح ولا العياط عشان تخليه يمنع صوته، يا كفرة"، ليرد وائل غنيم بالقول: "بيقول يا كفرة بيكفر الناس.. دا المفروض المعارض وزعيم المعارضة اللى هيساعد على بناء البلد، قاعد فى الشارع عشان يقولك إنه معاكوا فى الشارع من برشلونة، مناضل أوى مش ممكن يا محمد على أنت جامد أوي ياريت كلنا نناضل زى محمد على ونقعد بالليل في الشارع جنب الاسكوتر هو باع الفيراري وجاب سكوتر وبيدفى وسط أهله وناسه على اللايف".
وتعليقاً على حديث محمد علي عن حرية الرأي، قال غنيم: "حرية رأي.. قول اللى نفسك فيه، يعنى مثلًا دبلوم الصنايع يفتى لينا في ميزانية التعليم وعادي حرية، طيب يا عم ما تفتي براحتك بس انت دلوقتى مش بتفتي أنت بتنزل الناس عشان يوقعوا البلد لأن أنت متفهمش في توقيع البلد ولا عدم توقيعها أنت شغال بتقول كلام أهبل والناس الهبلة اللي وراك ماشية عشان يعملوا نفسهم إنهم جامدين ويقعدوا يشتموا أي حد يفتح بوقه خايف على وضع البلد".
وأضاف الناشط السياسي: "احنا خايفين على البلد يا غبي أنت وهو إنك تسيبها لواحد مغفل زي ده قاعد تايه مش لاقي أي حاجة يعملها".
وتابع: "هينزل الناس الشارع ويتقبض على كتير منهم أهاليهم مايشوفهومش.. انتوا فاهمين الجيش بيشتغل إزاي علشان تطلع تقول نسقط المجلس العسكري وتجيب مين وتحط مين وتحط مين؟.. اللي محرك الناس دي كلها هما القطريين".
وتعليقاً على هجوم محمد علي على رجل الأعمال نجيب ساويرس، قال غنيم: "مشكلته إنه شركة ساويرس كانت بتآخد المشاريع تخلصها وتعملها كويس إنما هو مبيعرفش يخلص المشاريع.. هو جه في الآخر أصلا ساب الموضوع بتاع المقاولات علشان الموضوع زاد عليه وكان قاعد مع مجموعة ظباط واتخانق مع الظابط وسط الاجتماع وقالهم إنه مش عاجبه العاصمة الإدارية وعاوز يبني ديزني لاند.. وعهد لا إله إلا الله وحياة ولادي هو اللي حكالي القصة دي بنفسه والظابط طرده من الاجتماع وقاله أنت عبيط؟ واتهزأ".