شمس البارودي تعلن: حسن يوسف اعتزل الفن نهائيا

الموجز  

أعلنت الفنانة المعتزلة شمس البارودي، عن اعتزال زوجها الفنان القدير حسن يوسف الفن نهائيًا، كما علقت على أنباء تعرضه لوعكة صحية خلال الفترة الماضية.

وفي تصريحات لموقع "القاهرة 24"، قال "البارودي" إن حسن يوسف يتمتع بالصحة ولكنه اعتزل حزنًا على وفاة نجله عبد الله، الذي اقتربت الذكرى الأولى لوفاته.

وأضافت الفنانة المعتزلة أن زوجها "أعلن اعتزاله خلاص وأنتم مش فاهمين أن إحنا في حالة حزن واللي مش حاسس باللي إحنا فيه ربنا يصيبه بما أصابنا، يعني أنا بقول ربنا يصيب اللي هما مش حاسين باللي إحنا فيه، إحنا فاقدين ابننا في إيه يعني؟."

وتابعت: "ربنا يصبرنا وده واحد قال أنه اعتزل عشان هو مش قادر خالص يمارس أي حاجة بعد وفاة ابنه ومش عايز يرد عليكم وده حقه، دي حاجة غريبة جدًا."

وأكدت "البارودي" أن الفنان حسن يوسف يتمتع بالصحة، قائلة: "هو بخير الحمد لله والشكر لله وبنروح النادي وبنتحرك وأهلنا بيجوا لينا وكل شيء طبيعي الحمد لله، ولادي في شغلهم محمود وعمر وناريمان في شغلهم بس بيجوا لينا، يعني أكيد مش هيسيبوا بيوتهم وأشغالهم ويجي يقعدوا معانا."

واختتمت شمس البارودي تصريحاتها قائلة: "فيه ناس بيحصل لهم حاجات كده وبيعدوها ويمشوا يمارسوا حياتهم عادي، إحنا مش عارفين نمارس حياتنا عادي خلاص، يعني إحنا بندعي أن ربنا يحفظ لينا أخوات عبدالله وبنترحم على عبد الله، وعايشين حياتنا كده في هدوء وسكينة مش عايزين أي نوع من أنواع الشوشرة عشان تعبنا."