إحنا ناس صعايده وهناخد حقنا بالقانون.. أول تعليق من والد الشاب صاحب واقعة الصفع من عمرو دياب

علق والد سعد أسامة على واقعة صفعه من قبل الفنان عمرو دياب خلال محاولة الشاب التقاط صورة "سيلفي" مع "الهضبة" في حفل زفاف خاص.

وقال أسامة، والد الشاب سعد أسامة، في تصريحات صحفية، إنه سيحرر محضرا ضد الفنان عمرو دياب بعد صفعه لنجله في، مقطع فيديو أثار غضب رواد مواقع التواصل الاجتماعي.

وأضاف والد الشاب: "كان ضربه بالنـ ـار ولا يضربه بالقلم، إحنا ناس صعايده وهناخد حقنا بالقانون، وهعمل محضر دلوقتي في عمرو دياب".

وأردف: "ابني شغال وبياكل عيش من بعد ما اتخرج من الجامعة زي أي شاب، وشغال مع الناس بقالهم فترة ومفيش أي حاجة حصلت منه، وولدي دخل جوه أوضة وقفل على نفسه ومش بيرد على حد ولا راضي يتعامل معانا ولا يكلمنا، ودي إهانة كبيرة لينا وإحنا ناس صعايدة، وكان ضربنا بالنـ ـار ولا ضربنا بالقلم.