بعد الطلاق.. أحمد العوضي يتحدث عن عودته لـ ياسمين عبدالعزيز

الموجز   

تحدث الفنان أحمد العوضي عن كواليس مسلسل "حق عرب" الذي عرض في موسم دراما رمضان 2024، كما تطرق لعلاقته بطليقته الفنانة ياسمين عبد العزيز.

جاء ذلك في مداخلة عبر تطبيق "زووم" ببرنامج "واحد من الناس" مع الإعلامي عمرو الليثي والمذاع عبر فضائية "الحياة".

وكشف العوضي عن علاقته بطليقته ياسمين عبد العزيز، حيث قال: "أنا قولت أن أنا بحب ياسمين جدًا وهي كمان بتحبني والحقيقة اللي سائد الاحترام والود والحب، إحنا بينا كل حاجة حلوة، ومفيش بينا أي خلاف وإن شاء الله لو ربنا كاتب لنا هنرجع ولو رجعنا هنقول، ياسمين عندي حاجة كبيرة جدًا زي ما أنا عندها حاجة كبيرة وأتمنى لها كل حاجة حلوة في الدنيا".

وعن مسلسل "حق عرب"، قال العوضي: "أنا من منطقة شعبية ودايمًا كنت مهووس من وأنا صغير بجدعنة ولاد البلد وطيبتهم وشهامتهم وكنت بحلم أني لما أبقى بطل أقدم الصورة دي لأني بحب أشوفها من وأنا صغير ومتأثر بيها أحب من خلالها أوضح أن البطل الشعبي مش لازم بس يكون بيضرب ممكن يبقى بينصر الحق ومتمسك بالعادات والتقاليد واللي ممكن نكون افتقدناها شوية دلوقتي".

وأضاف الفنان: "فكرة المسلسل لما كلمت صديقي وحبيبي المؤلف محمود حمدان وقلت له عايز أعمل مسلسل رمضان الجاي والمسلسل يبقى بيحمل رسالة مش بس مسلسل الناس تتفرج عليه وينجح في وقته وبعد كده يتنسي لأ كنت عاوز يبقى مسلسل قيم يفكرنا مسلسلات زمان وبعدها جالي بفكرة المسلسل وانا اتشجعت جدًا".