قومي لمي المنهج أحمد مش هينفعك.. نصائح ياسمين عز لطالبات الثانوية العامة
قدمت الإعلامية ياسمين عز، عدة نصائح لطلاب وطالبات الثانوية العامة 2024، تزامنا مع اقتراب امتحانات الثانوية العامة للعام الدراسي الجاري والمنهج الدراسي.
وطالبت "عز" خلال برنامجها "كلام الناس" المذاع على قناة "mbc"، الطلاب بضرورة المذاكرة أكبر قدر ممكن من الوقت للإجابة في الامتحانات والحصول على مجموع عالي، بالإضافة إلى الإلمام بمنهج العام الدراسي الحالي، والابتعاد قدر الإمكان عن الهواتف المحمولة.
وقالت: "قومي لمي المنهج وسيبي التليفونات وحوارات أصحابك وصحباتك ومق النسكافية اللي مسكاه في إيدك من 3 سنين عمر البرنامج دا، وسيبي أحمد عشان تنجحي وارجعي ليه بعد الامتحانات ما تخلص".
وتابعت: "لو منجحتيش في الامتحانات وسقطتي وجبتي ملاحق هيسموكي شيماء أم ملاحق، ومامت أحمد هتجوزه إسراء بنت خالته اللي تعبت في المذاكرة عشان تنجح وتخد أحمد منك".
واستكملت: "إسراء هيسموها خطيبة أحمد وتلبس عروسة وانتي هيسموكي أم ملحق وتلبسي مريلة، إنما لو ذاكرتي وأصبحتي أمورة وشطورة هتنجحي وتاخدي شهادة ولو أخدتي شهادة هتشتغلي شغل حلو ويكون معاكي فلوس حلوة، ووقتها هيقارنوا بينك وبين بنت خالة أحمد إنتي تكسبي أدب وأخلاق وشهادة وهيخطبوكي وتكوني إنتي العروسة".
وأكدت أن بعض الفتيات لا ترتدي فستان أبيض يوم الخطوبة، إذ يتم ارتداء فستان ألوان، مضيفة: "في حالة ارتداء فستان أبيض نظرا لعدم ضمان الوصول إلى ليلة الزفاف في الأيام دي فأنتي عندك بعد نظر وأنا أحييكي على هذا، عشان كدا قومي لمي المنهج وكملي مذاكرة عشان تنجحي".