«أول حرف من اسمه حسين».. دينا الشربيني تتحدث عن قصة حبها الجديدة

الموجز  

حلّت الفنان دينا الشربيني ضيفة في برنامج "كلمة أخيرة" مع الإعلامية لميس الحديدى والمذاع عبر شاشة قناة "أون" مساء الثلاثاء.

وعن قصة الحب الجديدة التي تعيشها الآن، قالت "الشربيني": "بالفعل أنا بعيش قصة حب هو شخص بحبه جدا وجدع جدا وبحترمه للغاية، وبان أصله وقت فقدان أبي وأمي لأني من وقتها لسه مش مستوعبة رحيلهما."

وعن الجدل المثار حول هوية من تحب، قالت الفنانة: "شخص مصري خارج الوسط الفني، ومفيش أي حاجه صح أنه إعلامي معروف ومش مصري، دي شائعات وأنا معتادة أني ماردش على الشائعات أصل كل الناس هتقول فيه حاجات بتتكتب مقلتهاش وحاجات بيقولوا اتعملت معملتهاش".

وأضافت: "أول حرف من اسمه حسين، ويعمل في مجال بيزنس عائلي وخارج الوسط تمامًا، وكان بينا أصدقاء مشتركين وكنا نعرف بعض وبنتقابل وسط أصحابنا في قعدات عادية حتى الارتباط."

وعن أهم ما أعجبها فيه، أوضحت دينا الشربيني: "محترم  وبيراعي ربنا ومتدين وجدع ولذيذ عاوز يعمل كل حاجة كمشاعر ودعم دون أن يظهر في الصورة، دائما بيبقى عينه عليا من بعيد، وعن عدم ظهوره معها، قالت: أبعد ما يكون عن الأضواء احنا شبه بعض في حاجات كتيرة بس مش بيحب الأضواء، ودي الحاجة الوحيدة اللي عكس بعض فيها، جايز في البداية كان مخضوض ومش فاهم لكن دلوقتي فهم."

وتابعت: "مش بتابع الشائعات ودائما بدخل أشوفها بعد ما الحكاية تخلص لأن فيه فريق عمل ماسك السوشيال ميديا بتاعي، ماعنديش باسورد بتاع فيس بوك ولا تويتر فيه حد ماسكهم، وأنا بحب فقط إنستجرام وتيك توك."

كما كشفت دينا الشربيني عن أمنيتها في إنجاب الأطفال، حيث قالت: "زمان كان نفسي يبقى عندي 6 أولاد دلوقتي مش هلحق، أخري  2 يبقى كويس، لأننا أربع أخوات ثلاث بنات وولد لأني بحب العزوة."

وواصلت: "طول عمرنا كان بيتنا مليان مش بس أنا واخواتي.. البيت كان زحمة قرايبنا وجيرانا وأنا بحب كده."