الستات اللي بيتجوزهم علي أم العيال وحشين .. نهاد أبو القمصان : الطلاق هو التطور الطبيعى لجواز هشام ربيع و بوسي المطربة !
الموجز
في تحليلها لإنفصال الفنانة بوسي عن زوجها رجل الأعمال هشام ربيع كتبت الحقوقية نهاد أبو القمصان تحليلاً مفصلا قالت فيه ، هشام دخل أزمة في قضية , خرج منها طلق بوسي لان من رأيه ان بوسي ما وقفتش جنبه , واللي وقف جنبه مراته ام العيال
الحقيقة بعض الرجالة عندهم توقعات مش حقيقية من زوجاته الاثنين زي هشام , لانه مش فاهم هو عمل فيهم ايه ولا كم الايذاء اللي سببه لهم , بالعكس عايزهم يتعاملو عادي , غير كدا يشعر انه ضحية غدر ,
والحقيقة , هشام ضرب مفك في الاحساس بالأمان عند زوجته الاولي , هد البيت علي دماغها وحطم كبريائها لما اتجوز بوسي ,
وضرب بوسي علي قفاها لما رجع الاولي بعد اقل من شهر علي جوازهم وراحو عمره , والست الاولي علشان ترد جزء من كبريائها شيرت صور العمرة وكأنها بتقول انا الاصل وما يقدرش يستغني عني
هشام عمل ناصح وحط الاثنين امام الامر الواقع
دا ضرب كبرياء بوسي في مقتل وهي اللي عاملة البت الجامدة اللي مقطعه البطاقة
ومكنش قدامها الا حل من الاثنين , يا تسيبه ( زي فلم ماري مي – بتاع جينفر لو بيز ) وكدا يبقي انتصرت الاولي
يا تصبر علي طريقة المثل ( اصبر علي جار السو لما مصيبه تيجي تاخده ) فجت المصيبه أسرع مما توقعت
النهاردة هشام زعلان ان بوسي ما وقفتش جنبه !!
وانا بس بنبه الرجالة عموما : ان أخطر عدوا ليك في الحياة انك ما تحاسبش نفسك علي اعمالك , وما تتحملش نتائجها
لان في حالة زي هشام : ضرب مفك في حياة اثنين ستات وبسببه أتاذو جامد
الاولي تقف معاه طبيعي مش علشان الحب لان ضرب الست في امانها بيقتل الحب , لكن علشان في اهم عند الست وهما العيال
علي طريقة علشان الورد ( اللي هما العيال ) ينسقي العليق ( العليق نبات متطفل متسلق لو قررنا ما نسقهوش هيموت الورد )
دلوقتي هشام مقدر دور الست الاولي لانه عندة جرعة عاطفية زيادة من الموقف
بس التطور الطبيعي اللي هيحصل بعد انتهاء اثر الجرعة العاطفية
هشام ممكن يأذي نفسه و يتجوز مرة ثالثة علي الست الاصيلة ام العيال , علشان يعمل فرح يغيظ بيه بوسي اللي شايف انها وحشه بس مش شايف انه فرج عليها خلقه وشمت فيها كلاب السكك ,
الحل انه يراجع نفسه ويتحمل مسئوليته ويقول للستات الاثنين اللي بوظ حياتهم ( انا أسف )
لان في كل الاحوال اللي زي بوسي ما صدقت , وهتفضل الست الاولي تلم وراه .. بس عقبال العيال ما يكبرو وتفض المولد
وهيفضل عند هشام احساس الضحية وان الستات اللي بيتجوزهم علي ام العيال وحشين