«انهيار فادي خفاجة في بث مباشر وتراجع وندم» .. عبير صلاح : مقدرة شعورك وإحساسك بالظلم
الموجز
ظهر الفنان فادي خفاجة في بث مباشر عبر حسابه الشخصي على تطبيق تيك توك، وكانت تسيطر عليه حالة من الانهيار بسبب شكواه من قلة المشاركة في الأعمال الفنية، لذلك اضطر للجوء إلى جولات تيك توك باعتبارها وسيلة للحصول على الأموال والهدايا.
انهيار فادي خفاجة في بث مباشر
وظهرت معالم الانهيار على الفنان فادي خفاجة خلال البث المباشر، حيث أنه كان يشكو قلة العمل بسبب عدم عرض أعمال فنية عليه خلال الفترة الماضية.
وقال فادي خفاجة عبر حسابه الشخصي على تطبيق تيك توك: مين معندوش أخطاء أجدع واحد في لايف هنا لو قعد ثانية مع نفسه هيلاقي نفسه كله أخطاء.. أقرب صديق ليا هو اللي بيهاجمني.. البني آدم الوحيد اللي كنت منتظره في غلطي يدافع عني ضربني في ضهري.
وأضاف خفاجة: مهما قالوا متكلمش هتكلم عشان أقل حقوقي إني أشتغل.. لكن ما فيش فايدة أنا قاعد في البيت من غير شغل.
مين اللي يشتغل يا ولاد المهنة
ويُذكر أن الفنان فادي خفاجة خرج عبر حسابه الشخصي على موقع التواصل الاجتماعي فيس بوك، منذ نحو 3 سنوات وهو يشتكي من قلة العمل.
وقال فادي خفاجة: يا مخرجين ومنتجين مصر.. لو العبد لله بعد العمر ده كله مشتغلش في مسلسل واتنين وتلاتة.. مين اللي يشتغل يا ولاد المهنة والأصول؟ مشكلتي إني واثق في نفسي بفضل الله.
مقدرة شعورك وإحساسك بالظلم
دعمت الفنانة عبير صلاح الدين الفنان فادي خفاجة، بعد انهيار الفنان في فيديو له، عبر حسابه الشخصي على تيك توك، لقلة مشاركته في أعمال فنية، وعدم عرض أعمال فنية عليه، حيث أشارت الفنانة إلى أنها تشعر بالظلم والحالة التي يمر بها خفاجة، مطالبة الجمهور بالكف عن انتقاد وهجوم النجوم.
وكتبت عبير صلاح الدين منشورًا، عبر حسابها الشخصي بموقع التواصل الاجتماعي فيس بوك، قالت فيه: فادي خفاجة.. أنا مقدرة شعورك وإحساسك بالظلم، بس معلش ربنا كبير ومتعرفش الخير فين، مش يمكن يفتحلك باب رزق آخر غير التمثيل؟!.
وأضافت عبير صلاح الدين: أنا بطلب من الناس اللي بتدخل تهاجم الفنانين، فيه ممثلين محترمين والله، وقاعدين في بيتهم من غير شغل، ومنهارين نفسيًا فبلاش القسوة عليهم، دول مش ناقصين ربنا يعينهم، ارحموهم شوية بقى، ومش هتبقوا انتوا والزمن عليهم.. ربنا يعينك يا شرف الدين يا ابن ونيس.. وكل ممثلين ونيس.
كشف الفنان فادي خفاجة عن ندمه بسبب انهياره في البث المباشر على تيك توك الذي أجراه منذ أيام.
وقال «خفاجة»، في مداخلة هاتفية مع الإعلامي تامر أمين في برنامج آخر النهار على قناة النهار: «أنا مش قادر أقول أي حاجة غير إني كنت في لحظة ضعف وبرجو أي بني آدم على وجه الأرض يفهم إنى إنسان قبل ما أكون فنان».
وتابع: «لو رجع بي الزمن ممكن معملش ده تاني ومش عارف أنا عملته إزاي من الضغوطات ومن حالة اليأس ومن حالة سعي طويلة موصلتش بها لحاجة، وطول الوقت الناس بتسألني إنتا فين؟، فأنا لا حصلت أبقى فنان ولا أبقى إنسان طبيعي».
واستطرد: «الناس لما بتسألني أنا معنديش إجابات، أنا بتسئل في اليوم ألف مرة، وكل الأساتذة اللي اشتغلت معاها كانوا بيشكروا فيا وده إداني أمل وبشوفوا رسالة أمل إني أقدم في معهد الفنون المسرحية وكنت بتخرج بتقدير محترم جدًا، كل ده فين؟ ولما تواجدت في مسلسل زي الاختيار كنت ضيف شرف وانتظرت بعدها أبواب ربنا تتفتح أكتر، طيب مبشتغلش ليه؟ أتحدى أن أي مخرج يقول مبجيش في معادي، لو منتج واحد يقول إني بناقشه في الأجر».
وأردف: «كنا زمان بنعرف نقابل المخرج دلوقتي بقى نظام جديد مبعرفش أتواصل معاه.