«بتقولي لو الزنا حلال كنت عملته» .. دعاء فاروق تفتح النار على «بسنت النبراوي»
الموجز
علقت الإعلامية دعاء فاروق على تصريحات الفنانة بسنت النبراوي عن المساكنة بعد أن وافقت عليها شرط ألا تكون حرام.
بتقولي لو الزنا حلال كنت عملته
وفي مقطع فيديو نشرته عبر حسابها على Instagram، قالت دعاء فاروق " احنا بقينا بنتكلم عن المساكنة وكأنها شيء عادي، المساكنة هي الزنا ... وإزاي فنانة تطلع تصرح وتقول لو المساكنة مش حرام كنت عملتها ... انتي مدركة بتقولي إيه بتقولي لو الزنا حلال كنت عملته".
كما أشارت دعاء فاروق إلى تصريحات الفنان اللبناني يوري مرقدي حول المساكنة وأنه لم يتزوج قبل أن يعيش المساكنة مع زوجته" أنا مالي إن في اتنين برا عملوا كدا في مجتمع لا يمت لديننا ولا لمجتمعنا بصلة، خلاص نتعامل معاه كأمر واقع؟
وأضافت دعاء فاروق: "هي المساكنة بقت موضوع عادي نتناقش فيه؟ بكرا نسمي "بيوت الدعارة" "بيوت السعادة" ونسأل الشباب تحب تروح بيوت السعادة؟".
لو كانت مش حرام كنت هقول أوكي ده حقي
ومؤخرا، الفنانة بسنت النبراوي كشفت عن رأيها في المساكنة، خلال استضافتها في برنامج Faceoff، الذي تقدمه الإعلامية سارة نخلة عبر قناة هي كطريقة لاكتشاف صفات الشخصين المقبلين على الزواج.
وقالت بسنت النبراوي : "المساكنة أولا حرام في الدين، لكن لو كانت مش حرام كنت هقول أوكي ده حقي".
وأضافت: "لو في حاجة الدين مش محرمها مش مهم المجتمع فيها أوي، الدين الأول والأهم".
أوضحت بسنت النبراوي أن المساكنة في رأيها غير مفيدة بالضرورة قائلة: "حتى لو قعدتوا في المساكنة شهر أو سنة، ممكن يبان شوية حاجات، لكن لما تبقي مراته وعلى ذمته وامتلكك ممكن يظهر الوجه القذر والأقذر".
وتابعت بسنت النبراوي : "في المساكنة الراجل ملوش سلطة عليكي، ممكن في لحظة تمشي غير لما تبقي مراته".
واستبعدت بسنت النبراوي إمكانية إصلاح صفات الرجل السيئة بعد الزواج قائلة: "في حاجات غير قابلة للإصلاح، لو اكتشفت إنه مدمن مخدرات مثلا، أو بعد الزواج عرف ناس مش لطيفة وبقى مدمن".