«اسمها فى التاريخ شيرين عبدالوهاب» .. مريم بطرس تفتح النار على مروة نصر: إنتي لو عملتى كل يوم أغنية عمرك ماهتبقى مطربة
الموجز
فتحت المطربة مروة نصر النار على الفنانة شيرين عبد الوهاب، بعد تصريحاتها الأخيرة حول “صوت مصر”، ورأيها في نجمات الوطن العربي.
وقالت مروة نصر في لقاء مع موقع صدى البلد:" شيرين عبد الوهاب عملت كل الحاجات اللي متتغفرش .. ولو نجمة شابة عملت كل ده كان زمانها في حتة تانية".
واستطردت مروة نصر في الحديث عن شيرين قائلة:" شفت فيديو ليها إنها بتقول على إليسا وهي بتغني كاتبة على الناس شيكات.. إليسا نجمة كبيرة وشخصية لطيفة وبتعامل كل الناس بتواضع وناجحة جدا".
معرفتش تغني لمحمد الموجي
وعن وصف شيرين نفسها بصوت مصر، قالت مروة نصر:" هي آخر أغنية عملتها امتى عشان تبقى صوت مصر .. كل حياتها الأخيرة دي استعطاف.. ربنا إدالك حاجة كبيرة أوي مبتجيش غير كل سنين كتير مرة.. أخدتي دعم من أول يوم طلعتي فيه وبقيتي نجمة كبيرة جدا وعندك الصوت والقبول وبنتين زي القمر وعندك كل حاجة .. ومعرفتش تغني لمحمد الموجي وأحسن واحدة غنت كانت مي فاروق".
ووصفت مروة نصر في حوارها، الفنانة آمال ماهر بأنها هي صوت مصر بلا منازع بغض النظر عن النجومية، مستطردة:" صوت مصر الأكبر أم كلثوم .. ولو شيرين ردها عقلاني كانت قالت كده .. أخلاقيا وتاريخيا وكل حاجة .. وأنغام من قبل شيرين بكتير جدا".
ووجهت مروة نصر رسالة إلى شيرين قائلة:" انتي تقبلي بنتك تعمل الحاجات دي؟.. ولو حاسة إنك صوت مصر فعلا خليكي قد اللقب ده وراعي كل تصرفاتك عشان خاطر بلدك".
لو عملتى كل يوم اغنيه عمرك ماهتبقى مطربه
من جانبها هاجمت المطربة مريم بطرس ، تصريحات مروة نصر قائلة :
فى فنانه شابه يادوب بتآدى( الغنا ) طلعت فى برنامج بتتكلم على شرين ومفهمتش صراحه هما بياخدو رأيها فى شرين ليه 🤔
وبتقول إن شرين أخدت فرص كتير ودعم غيرها مااخدهوش وعشان كدا بقت نجمه
وكمان بتقول إن قال أيه شرين معرفتش تغنى للملحن محمد الموجى فى الحفله
وبتقول كمان إنها أخدت كل الفرص من المسامحه من الناس،، لا وهنفضل نسامحها ولو اصلا قررت توقف غنا خلاص عندها اسمها فى التاريخ (شرين عبدالوهاب)
عايزة أقولك شرين فعلا اخدت فرص ودعم من زمان بس عشان هى مميزه بقت شرين
وبتقول إنها مش متعاطفه مع شرين ،؛🤔 طب هنعيش ازاى من غير تعاطفك🤦♀️
طب ماانتى من زمان بتعملى اغانى ومعرفش بقى مين بينتجلك جوزك بقى ولا منتج وعشان مش موهوبه لو عملتى كل يوم اغنيه عمرك ماهتبقى مطربه
الفلوس والدعم مش بتعمل نجم ممكن تديله فرصه للتواجد فقط
إنما التآثير فى الناس وموهبتك تبقى مش شبه حد وطبعا الدعم ،، هتبقى نجم
اذا البشر العاديه بتعدى بآزمات نفسيه
ليه مستكترين على فنان يبقى عنده مشكله نفسيه فتره ،،
زمان كمان فنانين كتير كان عندهم مشاكل وازمات عدو بيها بس مكنش فى زفت سوشيل ميديا
ولا كانو الناس جلادين كدا ،، وبيتفلسفو قوى كدا ،، واللى فاهم واللى مش فاهم بيفتى
أشفينا يارب من أمراض نفوسنا 🙏🏻
وأرحمنا يارب لانك وحدك اللى بترحم لان البشر بقو وحشين قوى ومابيصدقو حد يقع ،، بيستخسرو فيه يقوم ويرجع
شكر خاص
من ناحية أخرى ، طرحت المطربة مروة نصر أحدث أغانيها بعنوان «شكر خاص» على جميع التطبيقات الموسيقية ومواقع التواصل الاجتماعي.
أغنية «شكر خاص» من كلمات سارة فرج وألحان أحمد أسامة وتوزيع وميكس يوسف حسين وإنتاج محمد علام كيوب ميوزك ومونتاج كريم عوف وتصوير محمد وجدي.
وكانت «مروة» طرحت مؤخرا أغنية «عايزين نتدلع» كلمات سمير طارق والحان وتوزيع يوسف حسين وانتاج محمد علام كيوب ميوزك ومونتاج محمود طارق وفوتوغرافيا محمد وجدي.