«النظارة» تفضح علاقة تامر حسني بـ يارا السكري
الموجز
تصدر المطرب تامر حسني محركات البحث على مواقع التواصل الاجتماعي خلال الساعات الماضية، بعد التصريحات التي أدلت بها طليقته الفنانة المغربية بسمة بوسيل، بجانب الانباء المتداولة والتي تفيد بارتباطه بملكة الجمال يارا السكري.
ووقع تامر حسني في فخ النظارة؛ حيث كشفت نظارة يارا السكري حقيقة ارتباطهما وعلاقتهما معا، وفقا لموقع "القاهرة 24".
وكانت يارا السكري قد نشرت صورا لها من 3 أشهر وهي ترتدي نظارة شمسية، وبالتدقيق ظهر في النظارة الفنان تامر حسني وهو يلتقط صورا لـ يارا، الأمر الذي يوضح وجود علاقة حب بينهما.
وشهدت الساعات الماضية تصدر هالة عمر، مديرة أعمال الفنان تامر حسني، محركات البحث على مواقع التواصل الاجتماعي، بعدما نشرت بسمة بوسيل طليقة تامر حسني صورة لـ هالة عمر وعلقت عليها: "حسبي الله ونعم الوكيل فيكي يا هالة".
في أول رد له على الجدل الذي أثارته طليقته بسمة بوسيل بشأن علاقته بهالة عمر ، كتب تامر حسني يقول : «لكل اللي بيسأل عن ايه وجه القرابه بيني و بين العروسه الجميله دي شايف اسأله كتير انا هحكيلكوا هي اسمها هاله عمر عرفتها كانت بنت من الفانز صغيره و من المقاتلين و المدافعين عن تامر على الانترنت و من كتر دفاعها عني لفتت نظري و مرة رديت عليها شكرتها و لما سافرت إسكندرية في الوقت ده لقيت بنت صغيرة أوي بتعيط و بتجري عليا فا وقفتلها وفكرتني بنفسها».
وأضاف تامر حسني: «و فضلت تعيط و تقولي احنا معاك ولازم تكمل عشان كنت بتحارب جداً في بداياتي فا اتصدمت أن اللي بتقول كده بنت صغيرة كده و المجهود ده كله اللي عاملاه بنت صغيرة عندها 14 سنة وقتها كانت السوشيال ميديا لسه بتطلع وكنا في شركتنا بندور على شركة كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبرة يمسكها و’نا قولت لا لازم ’كتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب».
وتابع تامر: «فعرضت عليها تشتغل معايا و هي في السن ده مصدقتش طبعاً و من ساعتها و هي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب إيديها مني أنا عشان والدها و والدتها توفاهم الله في سنه واحدة رحمهم الله ياريت نفتكرهم ونهديلهم ثواب الدعاء والفاتحة».
وأكمل تامر حسني: «ومن اللحظة دي اتحولت هالة لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش ارد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».
وأثارت الفنانة بسمة بوسيل، طليقة الفنان تامر حسني، الجدل برسالة غامضة عن فرح هالة عمر منسقة أعمال تامر حسني.
وعبر ستوري صفحتها الشخصية على موقع انستجرام نشرت فيديو من الفرح وعلقت قائلة: «حسبي الله ونعمة الوكيل فيكي يا هالة».
وفي ستوري آخر كتبت قائلة: «احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك».
واعتبر البعض أن بسمة تلمح بشكل واضح على هالة عمر وأنها سبب في طلاقها من الفنان تامر حسني.