يسرا اللوزي تكشف أسباب توقفها عن تشجيع الأهلي
الموجز
كشفت الفنانة يسرا اللوزي خلال لقائها ببرنامج "واحد من الناس" عبر قناة "الحياة" تفاصيل اعتزالها ممارسة كرة القدم.
وقالت اللوزي : "كنت بلعب كرة قدم نسائية بس مدخلتش المنتخب، أنا كنت بلعب مع الولاد في النادي علشان مكنش فيه دورات رمضانية نسائية في الوقت ده، بس جاتلي مشكلة في ركبتي فاضطريت أبطل لعب".
وأضافت الفنانة يسرا اللوزي: "كنت بلعب مدافع كويس أوي وكنت أخاف أهاجم وبعدين لعبت صانعة ألعاب وكنت أهلاوية متعصبة بس زمان، أنا بطلت أشجع لأن لما جالي الإصابة في الركبة اكتأبت لإني كنت بحب الكرة أوي وبعدين لقيت الدكتور بيقولي متجريش ومتدبيش رجليك في الأرض ومفيش كورة تاني ودي كانت بالنسبة لي حالة غريبة وبقيت مش قادرة اتفرج علي أي ماتش".
وتابعت الفنانة يسرا اللوزي: "لما بتفرج على ماتشات بفضل اعيط فقفلت صفحة الكورة علشان اعيش، ومبقتش اتفرج علي أي ماتش ومبقتش اتفرج علي أي ماتش للأهلي دلوقتي ممكن افتكر تشكيل الأهلي زمان والذكريات ولكن تشكيل الأهلي دلوقتي معرفهوش".