بحب الأهلي وبرشلونة ومحمد صلاح.. أنغام تتحدث عن 30 سنة إنجاز: التفاصيل هي سر النجاح

الموجز    

كشفت المطربة أنغام عن سر نجاحها في عالم الغناء لسنوات طويلة، مؤكدة أن اهتمامها بالتفاصيل هو السر وراء ذلك.

وحلّت أنغام ضيفة على الإعلامي عمرو أديب في برنامج "الحكاية" المذاع عبر فضائية "إم بي سي مصر"، حيث تحدثت عن حفل "صوت مصر" في السعودية، وأجزاء من حياتها الشخصية.

وقالت أنغام: "المزيكا حياتي وأنا بدقق في التفاصيل ودا اللي بيخليني أنجح.. التفاصيل بتخليني أظهر مختلفة وأنا أتعودت إني مغيرش طريقتي وكل مجهود بعمله نتيجة كويسة وبعمل اللي مناسب ليا مش لحد تاني".

وتابعت المطربة: "محسيتش إني عملت كل اللي أنا عايزاه ولكن احترمت اللي أنا عملته لأني أنجزت، العمر اللي عدى ده أكتر من 30 سنة إنجاز، وهقول الحقيقة إني بدأت وأنا عندي 15 سنة، وبدأت أخد فرصة وأنا عندي 16 سنة وغنيت في الركن البعيد الهادي".

وكشفت أنغام عن علاقتها بأولادها وأنشطتها، حيث قالت: "بحب أتفرج على السينما وبسمع مزيكا طول الوقت، بتابع كورة مع أولادي وبحب أتفرج على الأهلي أما بيلعب حلو وبرشلونة وريال مدريد ومحمد صلاح".

وعن أولادها، قالت أنغام مازحة: "ولادي هما اللي ربوني وأنا عودتهم على الصراحة والصداقة فلا يوجد تمثيل بيننا وأنا واضحة جدا معاهم ووصلتهم لمرحلة أنهم مش بيحبوا يزعلوني".

وكانت أنغام قد أحيت، الجمعة، حفلا غنائيا ضخما على مسرح أبو بكر سالم، بالعاصمة السعودية الرياض، والذي حمل اسم "ليلة صوت مصر".

https://youtu.be/_2qLCAy8zaI

تعليقات القراء