«اتفضحت ايه؟ لقوني بشم في حته؟».. مشادة كلامية على الهواء بين سارة نخلة وهندية بسبب «فيديو الكلب»

الموجز  

وقعت مشادة كلامية بين الفنانتين سارة نخلة وهندية بعد تداول مقطع فيديو لها يكشف "ترك الأخيرة كلبها في الشارع مع السايس"، بعد أن أصُيب بكسر في قدمه.

و في مداخلة هاتفية لبرنامج "قعدة ستات"، أعربت الفنانة سارة نخلة عن غضبها الشديد لما قامت به هندية، قائلة: "هي لو ماحدش كشفها، ومكنش حد صورها واتفضحت الفضيحة دي، مكنتش رجعت تدور على الكلب".

وأضافت "نخلة": "هندية نزلت كلبها وسابته للكلاب اللي في الشارع، وقالت أنا طالعة أصلي، الكلب مش قادر يمشي، والكلاب هتنهشه".

وتابعت: "المفروض كانت سابت الكلب في العربية وطلعت صلت عادي، أنا مش مصدقاكي".

من جانبها ردت هندية على اتهام سارة نخلة، قائلة: "اتفضحت إيه لقوني بشم في حته، إيه الكلام دا، اتكلمي كويس، عيب، خليكي مؤدبة في ألفاظك".

وأضافت هندية: "أنا سبت الكلب مع سايس المنطقة، أنزلوا اسألو سايس المنطقة، السايس أخرس ومش بيتكلم، بس بيفهم بالإشارة".

وواصلت: "لو ماما بردو كنت هعمل كدا، واسبها وأطلع أصلي"، موجهة حديثها لسارة نخلة: "متصدقيش انتي حرة".

https://youtu.be/AD9f4Al-C3c

وفي وقت سابق، ردت الفنانة هندية على الهجوم التي تعرضت له، بعد تركها كلبها الخاص بأحد الشوارع.

وقالت هندية، في فيديو نشرته عبر مواقع التواصل الاجتماعي،: "عاملين فيها إنكم رحماء، وعندكم رحمة، أنهي رحمة دي؟، أنا رميت الكلب في الشارع في حاجة؟ أنا حرة.. رميته في الشارع كنت جيباه من أكتوبر عشان أوديه لـ دكتور هنا، أنتم هتحاسبوني؟ أنا حرة.. انشروها في كل حتة ودوها الدول العربية والأوروبية أنا حرة".

من جانبها، كتبت سارة نخلة منشورًا عبر صفحتها الشخصية بموقع "فيس بوك"، قالت فيه: "الراقصة دي اسمها هندية، يوم ما كلبها رجله اتكسرت، راحت رمته في الشارع، مش قادر يتحرك عديمة الضمير، حسبنا الله ونعم الوكيل فيكي يا شيخة أشوف فيكي يوم، وليها عين تشتم أي حد بيدخل يكلمها".

تعليقات القراء