«بالنسبة لي اسم في البطاقة» .. ابنة الفنان عمرو محمد علي: ما أستحملش أسمع عن أمي «نص كلمة»
الموجز
وجهت ابنة الفنان عمرو محمد علي رسالة إلى والدها بعدما اتهمها بالجحود واتهم والدتها بأنها تخلت عنه وتركته بعد مرضه.
وقالت ابنة عمرو محمد علي في فيديو عبر حسابها بموقع فيس بوك: بقى لي كتير ساكتة وقلت لمامتي ما نتكلمش مش حاجة، علشان حياتنا الخاصة ما حدش يعرف عنها حاجة، ولكن بصراحة زاد أوي.
وأضافت شهد عمرو محمد علي: أنا اسمي شهد عمرو محمد علي معظم الناس ما تعرفش مين شهد لأنه بالنسبة لي اسم في البطاقة، ومش هتكلم إنه قال عني جاحدة لأنه في الأول والآخر بابايا وبتمنى له الشفا، وماحدش يحكم على حد وهو ما يعرفش القصة كاملة، ماحدش عارف هي عملت إيه وإيه حصل بينهم أدى لانفصالهم.
وواصلت ابنة عمرو: محدش يعرف هي عملت إيه عشاني 20 سنة بتصرف عليا لبسي وحضنتي لحد تانية جامعة وعملت عشاني كتير أوي وما أستحملش أسمع عنها نص كلمة وماحدش عارف الحكاية.
وتابعت ابنة الفنان عمرو محمد علي: حرام أكون طول ما أنا ماشية اشوف في الصفحات الست اللي سابت جوزها.. ليه الناس بتحكم على حد من طرف واحد، وعلشان ما أطولش عليكم الست دي بطلة عملت كل حاجة في الحياة عشاني عشان ابقى اإنسانة متعلمة.. وكفاية تحكموا على حد وانتم ما تعرفوش القصة.
واختتمت ابنة الفنان عمرو محمد علي : رسالة لوالدي بدعي له بالشفا ده أبويا مهما كان أما أهلي أنا آسفة مش مسامحة في كل كلمة باطل اتقالت في جق مامتي.