كومبارس حافظ كلمتين خايبين زيك.. نجل حسن يوسف يهاجم حسين فهمي بسبب مهرجان القاهرة
فتح عمر، نجل الفنان حسن يوسف، النار على الفنان حسين فهمي رئيس مهرجان القاهرة السينمائي، بسبب تبريره لعدم دعوة والده للمهرجان بأنه حرم الفن في وقت من الأوقات.
ونشر عمر، صور لوالده وكتب: ده لما شبع تمثيل كنت انت لسه بتحبي علي أي فرصة يا حسين يا فهمي، في إشاره لحسن يوسف.
كما نشر صورة لتكريم والده من الدولة وكتب: طب إزاي الدولة تكرم فنان وسام العلوم والفنون من الطبقة الاولى، ويطلع رئيس مهرجان القاهرة يقول اصل الفنان ده متعزمش عشان بيحرم الفن. لا انت محتاج لما تتعين في منصب زي تراجع كده وتعرف التاريخ كويس. عشان أكيد الدولة بتفهم اكتر منك، بس واضح انك جاي كومبارس وطلعت حافظ كلمتين خايبين زيك.
من جانبه، كشف الفنان حسن يوسف، حقيقة استيائه من عدم دعوته لحضور مهرجان القاهرة السينمائي في دورته الـ44.
وأوضح حسن ، خلال مداخلة هاتفية ببرنامج "حضرة المواطن" والمذاع عبر قناة "الحدث اليوم"،:" أنا مش مهتم ومش فاضي اعرف بعتولي دعوة لحضور مهرجان القاهرة السينمائي ولا مبعتوش".
وأضاف: "استقبلت أول حفيدة هذا الشهر، لست متأكدا من إرسال دعوة لي من مهرجان القاهرة السينمائي من عدمه لأني كنت مشغولا باستقبال اول حفيدة لي"