«مش هستحمل أمي تنام دموعها على مخدتها» .. شيرين عبد الوهاب: هتنازل عن أي قضية بيني وبين أخويا
الموجز
كشفت الفنانة شيرين عبدالوهاب، في مداخلة هاتفية مع الإعلامي عمرو أديب عن تفاصيل ما حدث داخل المصحة النفسية .
بشكر محمد أخويا
وقالت شيرين عبدالوهاب، أثناء :" أنا بشكر محمد أخويا، أنه عرفني بالمستشفى والناس المحترمة، لانهم راعوني".
وتابعت : "حياتي منذ دخولي المستشفى بقت جميلة، وبقيت أفطر بدري وأقعد في الشمس، وأصبح على الناس اللي بتصحى بدري".
وتابعت شيرين عبدالوهاب:"انا بشكر صحافة بلدي والأقلام اللي كتبت عني كل خير ودعمتي".
هتنازل عن أي قضية بيني وبين أخويا
وأضافت شيرين:" أنا هتنازل عن أي قضية بيني وبين أخويا، انا شيرين اللي قلبها متسامح وبخف لما بسامح كل الناس".
وأوضحت عبدالوهاب:" انا مش ممكن هاستحمل أمي تنام يوم واحده دموعها على مخدتها، علشان ده انا بتنازل عن حقي في كل حاجه حصلت معايا".
بعتذر لحسام عن الكلام اللي صدر مني
وأضافت: "أنا بعتذر لحسام عن الكلام اللي صدر مني في يوم من الأيام، وأنا النهارده عايزة أقفل صفحة حياتي مع الناس لأني كنت السبب في فتح الصفحة دي للناس وخليتهم انشغلوا بيَّ وسط مشاكلهم، أنا في عصمة راجل طيب جدًّا وحبيبي من البداية ولو قلت كلام ضايقه فدا شيطان بيحصل بين اي زوجين".