كانت رائدة فيها لميت سنة فاتت .. عمرو سلامة يحذر من أزمة كبيرة تواجه مصر

 

الموجز

حذر المخرج عمرو سلامة من مشكلة كبيرة تواجه المجال الفني في مصر ، وذلك بسبب غياب أطقم العمل الفنية في اعمال خارج مصر .

حيث قال عمرو على صفحته على موقع تويتر : "في عدد كبير من الفنانين وطاقم العمل مش موجودين في مصر زي الأول علشان يا إما بيصوروا في السعودية لغزارة إنتاجها الآن، أو في لبنان لسهولة الإنتاج فيها".

وأضاف عمرو سلامة: "كان عندنا مشكلة كبيرة إن الأعمال العالمية بتتصور في دول كثير مجاورة زي الأردن والمغرب ودلوقتي كمان تونس وتركيا والسعودية، وصعب عليها تيجي مصر بسبب معوقات كثير وده بيضيع علينا عملة صعبة وفرص استثمار تساعد الاقتصاد".

وتابع سلامة:  "دلوقتي كمان في إرهاصات هجرة للكوادر المحلية وكمان لعملية الإنتاج المصري نفسها، وده بيضعف صناعة مصر كانت رائدة فيها لميت سنة فاتت، وكانت مصدر دخل ورزق وقوة ناعمة، ومش بس بتضيع فرصة لتحسين الاقتصاد لأ كمان بنأثر عليه بالسلب".

وأكد عمرو سلامة: "برافو على كل الدول المجاورة لمحاولاتها لبناء صناعتها ولجذبها لفرص الاستثمار والعمل. وأتمنى يكون في أمل إن مصر تتدارك المشكلة وتحلها بسرعة من جذورها قبل فوات الأوان".

 

 

 

تعليقات القراء