لو مكنتيش اتربيتي علي احترام تقاليد العائلة اتعلمي.. ماجدة خير الله تفتح النار على ياسمين عز
الموجز
هاجمت الناقدة ماجدة خير الله ، الإعلامية ياسمين عز ، دون أن تذكر إسمها وذلك في منشور لها عبر صفحتها على موقع فيس بوك
حيث كتبت الناقدة تقول: بيوت عامره ممكن تتخرب لتدخل اهل احد الزوجين، في خصوصيتهما.
وتابعت : تقوم مذيعه جاهله بشئون الحياه وسلوك البشر.
وأوضحت : تقول ببساطه وكلاحه وفيها ايه لما حماتك يكون معاها مفتاح بيتك، وتدخل تفتش في دولاب ملابسك؟؟
وأضافت متابعة سرد تصريحات المذيعة دون أن تذكر اسمها : هي يعني حتشوف ملابس ليلي علوي؟؟ .
وأضاغت الناقدة الكبيرة حديثها عن المذيعة : وتكمل حديثها الشيق وتخاطب الزوجه وتقولها ماهي حماتك ادتك ابنها بحاله!
وتابعت : مستخسره فيها مفتاح البيت؟
لاتنشري سلوكك الجاهل علي الناس
ووجهت رسالة للمذيعة قائلة : طيب ياسيدتي ماهو الحما كمان له حق في شقه ابنه ومساهم في العفش ومساهم في انجاب الزوج، ماياخد هو كمان نسخه من المفتاح، واخت الزوج مالهاش نفس في نسخه من المفتاح، اهي تعدي علي بيت اخوها تستريح شويه! انا دايما برفض نظريه المؤامره لكن تشجيع نشر الجهل والسلوكيات الشاذه اللي تدمر استقرار العائلات، وتنشر كل ماهو مستهجن ورديء ده مش صدفه ومش كل شويه نتساءل ببلاهه هو المجتمع المصري جري له ايه؟ ابسط قواعد الذوق والادب بيتجاهلها ازاي؟ العروسه الحلاوه فارغه الراس ، وجودها مش صدفه ، الترويج لافكار وسلوك رديء مش صدفه، ست ابوها ماتعرفش ان زيارتك لمنزل شقيقك او شقيقتك او ابنك لازم يكون بموعد سابق وبعلم اهل البيت، وان الدستور والقانون والدين بيحمي الخصوصيه، وان عيب جدا تكون في زياره ابنك او بنتك او شقيقك وتقوم تفتح التلاجه مثلا! مش تفتح دولاب الملابس وتعبث في محتوياته، للعروسه الحلاوه لو مكنتيش اتربيتي علي احترام تقاليد العائله المصريه والعربيه يبقي حان الوقت كي تتعلمي وحتي هذا الحين لاتنشري سلوكك الجاهل علي الناس.
"ياسمين عز" خلال تقديمها برنامجها عبر فضائية ام بي سي مصر، قالت: "ايه المشكلة لما تكون حماة الزوجة معاها مفتاح شقتك لأنها مثل أمك الثانية، وده أمان ليكى ولو والدة الزوجة هى اللى دخلت البيت هيبقى عادى بالنسبة لك، انتى اتجوزتى إبنها وهى زى أمك ايه المشكلة لما يكون معاها مفتاح شقتك"، وقدمت ياسمين عز نصائح للزواجات للتعامل مع حماتها قائلة: "قولى حاضر ونعم هى بتريح، وسيبيها تفتش دولابك هى مش هتشوف لبس ليلى علوى، وحماتك هتشيل البيت واستفيدى أنه يكون معاها مفتاح شقتك".