«بقالى 17 سنة مبشربش مياه» .. دكتور جمال شعبان يرد على سماح أنور

الموجز

علق الدكتور جمال شعبان، العميد الأسبق لمعهد القلب على تصريحات الفنانة سماح أنور، التي قالت فيها إنها لم تتناول المياه منذ 17 سنة كاملة.

وقال الدكتور جمال شعبان في تصريحات عبر صفحته الرسمية في "فيسبوك": "يا نجمة دي يمكن كرامة، خاصة بحضرتك، ربنا يزيدك بركات وكرامات، لكن الأشخاص العاديين اللي زينا، ما يقدروش يستغنوا عن المياة، لأن جسم الإنسان، 60% من وزنه مياه، و90% من الدم مياه، والواحد محتاج 2 لتر مياه يوميا على الأقل".

وأضاف الدكتور جمال شعبان : "أقصى مدة يحتملها الإنسان، بدون مياه بضعة أيام من 3 إلى 10، ولو وقفنا في الهوا بدون شرب المياه، الجلد عندنا هينشف مش هيمتص مياه.. قال تعالى: «وجعلنا من الماء كل شيء حي».. إنهم يدعون إلي طب جديد".

بقالى 17 سنة مبشربش

وعلقت الفنانة سماح أنور، في لقاءها مع الإعلامية ياسمين عز ببرنامج " كلام الناس " والمذاع عبر قناة "ام بي سي مصر"، على رفضها الحديث عن الشائعات التي طالتها ونجلها منذ وفاة الفنان سمير صبري، مؤكدة أنها لا تريد التحدث عن أي شيء متعلق بحياتها الشخصية.

وعن حياتها الشخصية قالت : أنا بحس إن الكلام في حياتي الشخصية عيب ودي قلة قيمة، لإن أنا سمعت الكلام ده في البيت، وبحس إنه علم لا ينفع وجهل لا يضر، هل هتنفعك المعلومة دي في حياتك أو هتنفعك في حاجة؟ أنا مش عايزة أرد علشان دي حاجة تخصني، وعيب أوي إن حد يسأل حد عن حاجة شخصية.

وقالت سماح أنور خلال حوارها بالبرنامج،:"  "كل لما أشرب المياه بتعب علشان كده بقيت أشرب مشروبات غازية زيرو سكر ونسكافيه وقهوة وكل الخضراوات والفواكه اللي فيها مياه".

وأوضحت:" بقالى 17 سنة مبشربش مياه خالص وأنا مبشربش مياه في مصر لأن كلها ليها طعم ولون حتى المياه المعدنية ليها طعم ولون".