ربنا جابلك المرض وراجع برضو تغني؟.. متابع يهاجم رامي جمال.. والمطرب يرد

وجه أحد المتابعين، رسالة قاسية للمطرب رامي جمال، مشيرا إلى إصابته بالبهاق منذ عام 2019، وعدم اعتزاله الغناء بعد الابتلاء، حسب تعبيره.

وقال المتابع، تعليقا على طرح المطرب أغنية "أدبتنا الدنيا" على موقع "يوتيوب"،: "يا أخي أنا مش فاهم يعني ربنا جابلك مرض، وعانيت منه كتير أوي، وبعد ما ربنا شفاك راجع برضو تغني، وأنت عارف أن الغنا حرام، أنت مستني يحصلك إيه تاني؟".

من جانبه، رد رامي جمال، على الرسالة، عبر حسابه في موقع "إنستجرام"، وكتب: "بص يا سيدي أنا ربنا رضاني والحمد لله لسه الابتلاء زي ما هو، بس لو عاوز الحقيقة أنت اللي محتاج علاج من كلامك اللي زي الرصاص".

وتابع: "لو أنا غلط في حاجة، تعتقد أن طريقتك دي ممكن تبقى الصح؟ أنا للأسف كنت بشوف آراء الناس الإيجابية والنقد البناء واللي طمعانين في حاجة أفضل، لأن دائما في أفضل طبعا، فشوفت كلامك على الصبح ومش هقولك غير ربنا يسامحك على القسوة".

وأضاف: "وده واثق أنه مش حب، واللي هيحسابنا ربنا، يا عالم مين أحسن من مين؟ وكلنا بشر مش أنبياء، ممكن نخطئ ونصيب والهداية من رب العالمين، يومك أجمل من قلبك إن شاء الله".

وكان الفنان رامي جمال، قد كشف عام 2019، عن إصابته بمرض البهاق، عقب ظهور بقع بيضاء اللون في مناطق بجسده، قائلًا إنه ذهب لعدد كبير من الأطباء إلا أنهم لم يجدوا حلولًا له.