محمد نجاتي عن مقارنته بنجاحات أمير كرارة: ممكن أعتزل وأريحكم مني.. وباشا مصر يرد (فيديو)

كتب: ضياء السقا

علق الفنان محمد نجاتي، على المنشور المنتشر عبر مواقع التواصل الاجتماعي، حول صعوده خلال فترة ظهور الممثل أمير كرارة، ويقارن بين الثنائي وما وصل له الأخير من نجاحات كبيرة، مشيرًا إلى أنه لا يتدخل في إرادة الله في شهرته، حيث إن النجاح يكون قبول من الله.

وقال "نجاتي" عبر فيديو بصفحته الرسمية على موقع «إنستجرام»: «طبعا أمير كرارة نجم كبير وهو ما وصلش للي فيه دلوقتي إلا نتيجة تعب وجهد وعرق، وقدر أنه يوصل لحب الناس وقاعدة كبيرة من الجمهور، كل اللي عاوز أقوله أني ما كانش ليا دخل في ترشيحي لمسلسل محمود المصري، مع محمود عبدالعزيز، ترشيحي جاء من خلال مدحت العدل وهو حي يرزق يسأل».

وأضاف :«أما البوست اللي كتبه أحد الأساتذة، اللي اتقال فيه شوف كرارة فين دلوقتي ومحمد نجاتي دلوقتي فين دي حاجة مش بإيدي وخارجة عن إرادتي أنا بمثل وبشتغل الحاجات اللي بلاقيها كويسة ومناسبة ممكن تكون مش بتاخد بروباجاندا كبيرة زي اللي بيقدمها بعض الفنان، ولكني أتمنى أشارك فيها كلها، ولكني مضطر اشتغل حاجات كتير علشان أكمل بقيت حياتي لأن عندي التزامات كتير».

وتابع: «أنا مش مبسوط بالحاجات اللي بقدمها وأحيانا بضطر اشتغل حاجات مش راضي عنها علشان أقدر أكمل حياتي والتزماتي وإذا كانت وضعي كدا مضايقة ناس ممكن اعتزل واريحكم كلكم مني وتبقى نهاية الحكاية».

 

أول تعليق من كرارة

من جانبه، علق الفنان أمير كرارة، الشهير بـ"باشا مصر"، على تصريحات زميله محمد نجاتي.

وأعاد أمير كرارة نشر مقطع الفيديو، الذي نشره محمد نجاتي، عبر حسابه الشخصي بموقع "فيسبوك".

وكتب كرارة: "يا حبيبي إنت نجم كبير وعلى دماغنا كلنا، ربنا يكرمك ويزيدك ويرزقك ويجمعنا مع بعض في عمل واحد وشرف ليا".

تعليقات القراء