آمال ماهر تكشف أسباب اختفائها في مداخلة هاتفية مع رامي رضوان
أعلن الإعلامي رامي رضوان، عن أجرائه مداخلة هاتفية مع المطربة آمال ماهر، في برنامجه مساء دي إم سي الليلة، للكشف عن أسباب اختفائها.
وكتب الأعلامي عبر حسابه بالفيس بوك:
انتظروا الليلة في مساء DMC
هسمعكم صوت النجمة #أمال_ماهر ..لايف
عشان كل اللي نفسهم يسمعوها ويطمنوا عليها
وعشان المشككين اللي الفوا قصص عجييييبة بخصوص الفيديو بتاعها..وبخصوص اختفائها الفترة اللي فاتت.
وكانت آمال ماهر قد ظهرت بعد فترة من الغياب، عبر مقطع فيديو، نشرته على حساباتها الرسمية.
قالت الفنانة آمال ماهر فى الفيديو: جمهورى وأهلى أنا بخير الحمد لله، حبيت أطمنكم عليا، معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا.
وأضافت: ألف شكر أنا حقيقى ممتنة لكم الحب والخوف اللى شوفته ولمسته.. الحمد لله ودا إن دل على شيء يدل إن ربنا راضى عنى، بعد ما شفت كم الحب الهائل والكبير، أنا بشكركم من كل قلبي جمهورى العربى وبحب أهنئ الشعب المصرى بمناسبة ثورة 30 يونيو، كل سنة وأنتوا طيبين، أنا بخير الحمد لله.. انتظرونى قريب".