كانت تعبانة ومش قادرة تسجل .. كريم مسلم : آمال ماهر هي إللي طلبت مني تصوير الفيديو

الموجز

كشف المصور "كريم مسلم" مصور فيديو آمال ماهر،  الذي وجهت من خلاله رسالة لجمهورها عبر السوشيال ميديا، عن سعادته بتصوير الفيديو.

مبسوط إني شوفتها انهارده وصورتها

آمال ماهر هي من طلبت منه تصوير ذلك الفيديو

وقال كريم مسلم في تصريح خاص لـ القاهرة 24، إن الفنانة آمال ماهر هي من طلبت منه تصوير ذلك الفيديو، حتى تطمئن الجمهور على حالتها الصحية، بناءً على طلب الجمهور، بعد الشائعات الأخيرة.

واستكمل كريم مسلم: مافيش تلاعب في الفيديو خالص، الفيديو اتصور واتقطع واحنا قاعدين، واتسلم ليها وخلاص ماليش علاقة، ولكن هي تعبانة ومكنتش قادرة تسجل بسبب السعال اللي عندها.

وأضاف كريم مسلم: بيقال إن دي دوبلير لآمال ماهر، ولكن محصلش هي بنفسها اللي في الفيديو، وكانت تعبانه وكل شوية تعطس وتشرب حاجات سخنة عشان كده عملت مونتاج للفيديو، وطالعة مش حاطة ميك اب ولا حاجة.

كما كشف المصور الفوتوغرافي، أن الفنانة آمال ماهر أتفقت معه على تصويرها عدة جلسات تصوير، خلال الفترة القليلة المقبلة، استعدادًا لعودتها للجمهور مرة أخرى.

أنا بخير الحمد لله

وطمأنت الفنانة آمال ماهر جمهورها على صحتها وقالت من خلال فيديو:" أنا بخير الحمد لله، حبيت أطمنكم عليا، معلش الفترة اللى فاتت مكنتش قادرة أكون متواجدة معاكم، كان عندى كورونا بس الحمد لله اتعافيت وحبيت إنى أطمنكم عليا".

وتابعت آمال ماهر في الفيديو:"ألف شكر أنا حقيقي ممتنة لكم الحب والخوف اللى شوفته ولمسته.. الحمد لله ودا إن دل على شيء يدل إن ربنا راضى عنى، بعد ما شفت كم الحب الهائل والكبير، أنا بشكركم من كل قلبي جمهورى العربى وبحب أهنئ الشعب المصرى بمناسبة ثورة 30 يونيو، كل سنة وأنتوا طيبين، أنا بخير الحمد لله.. انتظرونى قريب".

تعليقات القراء