ياسمين الخطيب تكشف عن عادة غريبة اعتادت على فعلها.. والجمهور: إيه القرف ده !

أثارت الإعلامية ياسمين الخطيب، حالة من الجدل، بعدما اعترفت بعادة غريبة كانت تفعلها مع شقيقتها، وقت العزومات.

 
وقالت ياسمين عبر صفحتها بالفيس بوك: "أنا وأختي.. وإحنا مادموازيلات كبار (مش أطفال يعني) لما كانت تبقى عندنا عزومة، والدنيا هايصة، والكوبايات كلها في الحوض، وأمي تقول لنا اعملوا شاي لطنط ولا أونكل، كنا بنجيب من إللي في الحوض ونصب! وأحياناً، لما يكونوا ضيوف عيالهم غلسين، "نبصق" في كوبايات أهاليهم!".
 
وأكملت: "ماعرفش إيه إللي فكرني بالموضوع ده دلوقتي، بس حبيت أنبهكم ماتشربوش ولا تاكلوا حاجة عند حد عشان ماعدش فيه ضمير!".
 
 
هذا البصق فتح بابا لانتقاد الإعلامية وتصرفها.
 
وقال حساب يحمل اسم سلمى بكر إن إكرام الضيف والاجتهاد في تقديم ما لذ وطاب من الطعام، أمر يحرص عليه الناس، سواء كان الضيوف محل ترحاب أو غيره: "هذا أمر لا علاقة له بكراهية ومحبة، هذه ضيافة".
 
 
شارك أنس، منشور ياسيمن موجها حديثا لمتابعيه قائلا: "حد يقولها في فرق بين الدم الخفيف والقرف"، بينما استنكر كريم عبد المقصود ما كتبته الإعلامية: "هو انتي ومبسوطة أوي ما شاء الله عليها" في تهكم منه عليها.
 
بينما قال متابع: "إيه القرف ده وإيه مناسبة الكلام ده.. شوفي حاجه تشغلك أفضل".
تعليقات القراء