قابل بقى ياملحن الترابيزة يا جاحد .. محمد رحيم يتوعد عمرو مصطفى: وحياة ولادي ما هسيبك المرادي
الموجز
هاجم الملحن محمد رحيم ، الملحن عمرو مصطفى ، بعد هجوم الأخير على ابناء جيله من الموسيقيين .
حيث كتب رحيم : نهيتك ما انتهيت والطبع فيك غالب وديل ال (عمرو) مايتعدل لو علقت فيه قالب .
وتابع رحيم : مبقاش الا اللى بيطبلوا على ظهر الجيتار والمدعين يجيبوا سيره الملحنين العالميين اللى واخدين أعلى شهادات الاحتراف العالميه.
وتوعده رحيم قائلاً : وحياه ولادي ما هسيبك المرادي وهكشف حقيقتك وارجع حق كل الناس اللى جيت عليهم واذيتهم واللى انا ساكت عليه طول السنين اللى فاتت .
وأضاف : بجد هصدمك بيه أعوذ بالله من الغيره والحقد اللى جواك من ناحيتي مش عايز تطلعني من دماغك ابدا طيب .
ووجه رسالة له قائلا : قابل بقى ياملحن الترابيزه يا جاحد يا ابو كرد واحد.
وكان الفنان عمرو مصطفى، أكد أنه تعامل مع أشخاص كثر وكان الخبث هو السمة الغالبة عليهم، قائلا: «اتعاملت مع ناس كتير وكانت خبيثة وتعبت من تعليم شباب جديدة، ووقتي بيضيع وحاولت اعلم شباب جديدة وأنا ضحيت لناس كتير ومحدش يجي يقولي اكتشف شباب جديدة وكنت بتقابل بالغيرة والحقد».
وأضاف الفنان عمرو مصطفى، خلال حواره ببرنامج «حبر سري»، مع الاعلامية اسما ابراهيم، على قناة القاهرة والناس، أنه سيعمل من أجل موسيقته فقط، متابعا: «أنا ساعدت شباب كتير ومش هكمل مع أي حد هينزل من موسيقيتي أو يقلل منها، وأنا وقفت مع الشباب وكان النتيجة ضرب في ضهري والان اهتم بحالتي النفسية».
وتابع: «علمت شباب وأنا تعبت وقدمت كل حاجة حلوة وأدوات لشغلهم، وبعد كده سبوني ومش بفكر دلوقتي غير في نفسي».
ووصف عمرو مصطفى، نفسه بأنه «أسطورة الجيل»، مضيفًا: «أنا أسطورة الجيل لما مطرب بيعمل تلاتة ولا أربع أغاني في مسيرته ولو أنت عامل ألفين أغنية تبقى إيه أسطورة».