رانيا يوسف: «برجع من شغلى الفجر.. والرجل المصرى بيتغير بعد 3 شهور بعد الزواج.. وناجحة بموهبتي وربنا مش بيضيع مجهود حد»
الموجز
قالت الفنانة رانيا يوسف، إن سبب شهرتها الفنية الكبيرة التى تتمتع بها، بسبب مجهودها وتفرغها التام وحبها لمهنة الفن، مضيفة: "برجع يوميًا لمنزلي في تمام الساعة الـ5 الفجر من الشغل، وأحيًانا أعمل لمدة ٣ أيام دون الرجوع للمنزل".
واضافت رانيا خلال لقائها مع الإعلامية إنجي أنور، ببرنامج "مصر جديدة"أنها كانت تبحث عن رجل يحترم مواعيد وطبيعة عملي وعقلي وطموحي.
ولفتت يوسف، إلى أن الرجل المصري أو الشرقي يتغير بعد 3 شهور من فترة الزواج، حيث يتحول ويتغير بشكل لا يمكن تصديقه"، منوهة إلى أن الزواج بالنسبة لها، ليس الزواج من رجل ليصرف عليها ويلبي احتياجاتها فقط لأنها تعيش في مستوى مادي مناسب،ولا تحتاج لهذا النوع من الرجال.
قالت الفنانة رانيا يوسف عن زواجها السابق من منتج , معقبة: أنا لم اعتمد على زواجي من منتج ومساعدنيش ولا بمكالمة واحدة حتى، وأنا شايفة أن ربنا مش بيضيع مجهود حد وأنا بشتغل بتعب جدا في شغلي؛ لأن اللي بيطلع بسرعة جدا بيقع بسرعة جدا.
واضافت رانيا خلال لقائها مع الإعلامية إنجي أنور، ببرنامج "مصر جديدة": مكنتش عايزة أكون موهبة مشكوك فيها والناس تقول دي بتمثل عشان جوزها، وكنت عايزة أبقى ناجحة لأني اشتغلت على نفسي وناجحة بموهبتي.