رسالة مؤثرة من أسماء مصطفى لزوجها قبل أيام من رحيلها

كتب: ضياء السقا

نشرت الإعلامية أسماء مصطفي، قبل رحيلها بأيام قليلة، رسالة عبر صفحتها الرسمية علي موقع التواصل فيس بوك، تتحدثت فيه عن علاقتها بزوجها الدكتور أيمن أبو العلا عضو مجلس النواب ودعمهلها في محنة مرضها.

وكتبت أسماء: "أمي ربنا يديها العمر والصحة ويصبرها على ابتلاءها فيه قبل ما اتجوز لانى كنت برفض ناس كتير كل ما كانت تسالني كنت اقولها عايزة اتجوز راجل بيحبنى بجد لنفسى، كانت تدعى وتقولى ربنا يرزقك باللى يقدرك ويريح قلبك يكون ابن اصول عمرها ما اتمنت ليه عريس يجبيلى مثلا شبكة بكام ولا هسكن ولا حاجة خالص زى ما بيحصل ولا طلبت غير راحة بالى وحد يقدرنى".

واستطردت: "وربنا سبحانه وتعالى استجاب دعوتنا إحنا الاثنين رزقنى براجل بجد بيحبنى لنفسى ولشخصى وبيقدرنى والمحنة والمرض خلونى افتكر دعوتها، المرض الملعون ده دمرنى لكن هو شايفنى احلى ست فى الدنيا ولاقيته ضهرى وسندى فى دنيتى، ربنا يحميه ويحفظه ويكفيه شر الحاسدين ويبارك فى اولادنا ويحفظهم ونقدر نعدى المحنة ونخرج بمنحة يا رب صبرنا على ابتلاءنا".

وتوفيت يوم الإثنين الماضي، الإعلامية الشابة، أسماء مصطفى، زوجة النائب، أيمن أبو العلا، بعد صراع مع مرض السرطان.

 

تعليقات القراء