بعد عودتها لزوجها.. منة عرفة للشامتين: متعرفوش ربنا ولا في قلوبكم رحمة
كتب: ضياء السقا
أعلنت الفنانة منة عرفة، بشكل رسمي، عودتها لزوجها الفنان الشاب محمود المهدي، بعد انفصالهما خلال اليومين الماضيين، موجهة رسالة شديدة اللهجة لمنتقديها والشامتين فيها.
وقالت منة عرفة عبر خاصية ستوري حسابها الشخصي على موقع تبادل الصور والفيديوهات الشهير "إنستجرام": "من أصعب اللحظات اللي ممكن تعدي على أي ست لحظة الانفصال وخراب البيت، الطلاق يهتز له عرش الرحمن لكن انتو يمكن عشان بتسمعوا عن بيوت بتتخرب كل دقيقة فا بقى أبغض الحلال عندالله بنسبالكم نكتة أو حاجة تتمسخروا عليها، رهان بتعملوه مع بعض على أننا مش هنكمل أو مادة خام للشماتة فينا".
وتابعت منة: "خراب البيت عمره ما كان حاجة سهلة على الست أو على الرجل أو على أهالينا، في عز ضعفي وحزني وكسرتي اللي ربنا ما يكتبها على أي ست، مرحمتنيش ولا قدرتو أني في موقف لا احسد عليه وشمتانين فينا، قد إيه أنتو ناس متعرفوش ربنا ولا في قلوبكم رحمة اتمنوا الخير لبعض يا جماعة بلاش نشمت في بعض لكن دي غلطتي أنا أني شاركتكوا حياتي الشخصية".
وأضافت: "الإنسان بيغلط عشان يتعلم وأنا اتعلمت، ربنا يعينكوا على نفسيتكو الجحيم دي وعسى أن تكرهو شئ وهو خير لكم، يمكن الخلاف اللي حصل كشفلنا ناس كتير حوالينا كانو بيمثلو أنهم فرحانين لينا بس الحقيقي أنهم كانوا مستنيين أول مشكلة عشان يشمتو في كسرتي وخراب بيتي، والله رنا مش هينولهالكو وربنا يخليلي أهلي وزوجي و الناس اللي بتتمنالي الخير ووقفت جمبي و كلمة أخيرة للسادة الصحفيين ارجوكم كفاية بقى ارحمونا حرام عليكوا".
وبعد مرور 48 ساعة فقط، كشفت والدة الفنانة منة عرفة عن انتهاء الخلاف بين ابنتها وبين زوجها الفنان محمود المهدي.
وقالت والدة منة عرفة في تصريحات لصحيفة "اليوم السابع"، إن الخلاف بينهما انتهى، وتصالحا وعادت الأمور لطبيعتها بينهما، معلقة: "الخلاف كان بسيط جدا والحمد انتهى على خير".
وكان محمود المهدى أعلن منذ يومين انفصاله عن منة عرفة مبررا ذلك بأنه "رجل صعيدي ويرفض بعض التجاوزات في عملها كممثلة".
كما أعرب المهدي، عن استيائه الشديد بسبب تلقيه بعض الرسائل الشامتة من متابعيه، منذ أن أعلن انفصاله رسميًا عن زوجته الفنانة منة عرفة بعد عقد قران دام لأشهر قليلة.
وكتب «المهدي» منشورًا عبر خاصية «استوري» بحسابه الرسمي بموقع الصور والفيديو «إنستجرام»، قائلاً: «الطب زرع كل حاجة ما عدا الضمير.. للأسف كمية الشماتة في الرسايل تخوف بجد، كل واحد بيألف ويتخيل على مزاجه وناس فرحانة وقرايب وأصحاب».
وأضاف: «محدش فرح لما ارتبطنا بالطريقة دي وفي ناس لسة عندها احساس أنا بشكرهم على رسايلهم هيتم توضيح الأسباب الحقيقية».
واختتم المهدي حديثه قائلاً :«ثقة في الله لأهل الطليقة التانية فرحتكم مش هتكمل».
كما نشر المهدي صورة غريبة عبر "الستوري" في حسابه، على إنستجرام، حيث كتب: "يا حمرا يا قرعة"، وعلق: "فين صاحب المثل ده"، في إشارة منه إلى انفصاله عن زوجته.