فيفي عبده: كنت فاكرة إن الناس بتخلف من ركبها.. وأمي كانت بتضربني بالكرباج

كتب: ضياء السقا

تحدثت الفنانة فيفي عبده، عن نشأتها، لافتة إلى أن تربية والدتها كانت قاسية للغاية، حيث كانت تضربها بالكرباج السوداني.

وأضافت فيفي عبده خلال حوارها مع الإعلامية وفاء الكيلاني في برنامج السيرة عبر شاشة dmc: لما أبويا أتجوز على أمي بقيت هي الست والراجل.. كان قلبها بيتقطع علشان ست خدت منها أبويا، كانت بتضربنا أنا وأخواتي بالكرباج السوداني».

وتابعت : «مرة لما رجعت من برة لقيتها ضاربة أختي ومكتفاها بعنف فظيع، اضطريت أفك أختي اترزعت حتة علقة، مع إني كنت طيبة أوي مش نمرودة أي حاجة بقبل بيها».

وأستكملت: «أمي ما كنتش تقعدنا مع ناس كبار بيتكلموا وأنا عندي 10 سنين، ما كنتش عارفة اسألها إحنا جينا إزاي، ولحد ما اتجوزت كنت فاكرة الناس بتخلف من ركبها.. هي فهمتنا كده، ما كنش فيه البجاحة اللي موجودة دلوقتي.. ما كنش فيه الميديا زي دلوقتي».

وروت فيفي عبده تفاصيل حادثتين قائلة: "أول حادثة كنا راكبين تاكسى في الجيز ووقع في حفرة وأنا ووالدتى قاعدين ورا، وأنا من خوفى روحت نازلة قعدت على الرصي وسيبت أمى في التاكسى، والمرة الثانى كنت اشتريت عربية وأنا ماشية بيها لقيت حد بيخبط على العربة انى حبطت طفل، وأنا نزلت بسرعة قعدت على الرصيف ومعرفوش أنه أنا وافتكروا أختى هي اللى كانت سايقة العربية وضربوها كتير وأخدوها على القسم".

 

تعليقات القراء