«إفساد الذوق العام»..هجوم شرس علي أشرف عبد الباقي بسبب حمو بيكا

الموجز

تعرض الفنان أشرف عبد الباقي لموجة هجوم شرسة بعد إعلانه عن مشاركة مطرب المهرجانات حمو بيكا كضيف شرف في مسرحيته الجديدة "شمسية واربع كراسي" التي تنطلق عروضها الخميس ٥ أغسطس على مسرح الساحل.

ونشر عبد الباقي، بوسترات المسرحية والتي تضم نجوم العرض، ومن بينهم حمو بيكا والذي تصدر منفردا أحد أفيشات العمل.

وجاءت تعليقات الجمهور كالتالي :

قال أحد المعلقين : أنت جايب بيكا ليه؟،

وكتب أخر : "أنت شخصية محترمة يا أستاذ أشرف بلاش تشارك في فرض شخصيات زي حمو بيكا على المجتمع اللي بتساعد في إفساد الذوق العام".

بينما كتب أخر : "إزاي حمو بيكا وأشرف عبد الباقي.. أنت بتشجع حمو بيكا إزاي والنقابة مش مدياله كارينه إنه مغني وهيطلع معاك ولا هو أصلا دوره إيه في المسرحية؟".

ومن بين المعلقين أيضا من كتب: "عيب أوي حضرتك أنا من أكتر الناس اللي بتحبك وفعلا فخور أن عندنا في بلدنا واحد زيك لأنك بطلعلنا نجوم محدش كان عارف فيهم حد وأصبحوا نجوم شباك ودائما بتحب تساعد غيرك ومش مهم عندك نفسك بس أنك تجيب بيكا وتطلعه ده غلطة متطلعش من أشرف عبد الباقي نهائي ومبروك مقدما".

وقال أخر  "أستاذ أشرف أنت فنان محترم ومعاك ناس محترمين على أى أساس تضيف معاك حمو بيكا أنا شايفة تاريخك واللي قدمته مايسمحش بده أنتوا بتعملوا للناس دي قيمة للأسف" وغيرها من التعليقات الرافضة لمشاركة حمو بيكا في العرض.

ويبدأ فريق عمل مسرحية "شمسية وأربع كراسي" أول عرض، يوم الخميس المقبل 5 أغسطس، بالساحل الشمالي، بعد الانتهاء من البروفات الكاملة للمسرحية، وتُعرض أيام الخميس والجمعة والسبت من كل أسبوع.

المسرحية بطولة أشرف عبد الباقي، محمد عبدالرحمن، أوس أوس، محمد أنور، ميرهان حسين، من تأليف كريم سامي كيمز وأحمد عبد الوهاب، وإخراج أشرف عبد الباقي.

 

تعليقات القراء