«مسحت الصورة اللي فاتت» .. أسما شريف منير عن الصورة الجريئة : شيطاني بيغلبني زي باقي البشر
الموجز
أثارت أسما شريف منير ابنة الفنان شريف منير جدلا على مواقع التواصل الاجتماعي خلال الساعات القليلة الماضية، بعدما نشرت صورة جريئة عرضتها لنقد لاذع من متابعيها .
وسرعان ما حذفتها بعد عدة دقائق ، ونشرت غيرها وعلقت عليها برسالة ، قائلة: "أنا مسحت الصورة اللي فاتت، وقلت أنزل دي، بس عشان ساعات شيطاني بيغلبني زي باقي البشر، وساعات بحس بالذات بعد ما خسيت إني عايزه ألبس لبس حلو وبناتي كده، وأفرح أني بقى شكله حلو عليا".
وأضافت أسما شريف منير: "بس الصح صح مش هقاوح، أنا اصلا مش بحب ألبس لبس مكشوف في العادي، بس انجرفت ورا الدنيا اللي مش باقية، فاهقاوم الإحساس ده وهركز مع نفسي وفي لبسي أكتر.. وهحاول أنقي لبس يكون معتدل وحلو، عشان أشجع نفسي والبنات اللي بتتابعني أنهم يلبسوا لبس حلو في نفس الوقت مش مفتوح، مش عيب إن الواحد يعترف بغلطه، وطول الوقت يحاول إنه يبقي أحسن، وبشكر المتابعين اللي لفتوا نظري بطريقة ذوق.. كل سنة وأنتم طيبين وحبايبي ودعمي، ربنا يفرح قلبنا كلنا ويهدينا بحبكم".