تفاصيل الحالة الصحية لياسمين عبد العزيز بعد خضوعها لعملية جراحية



 

كشف الفنان أحمد العوضي، خلال الساعات الماضية، بخضوع الفنانة ياسمين عبد العزيز لعملية جراحية في أحد المستشفيات الخاصة، مطالبًا الجمهور بالدعاء لها.

وعلم “القاهرة 24” من مصادر خاصة، أن ياسمين خضعت صباح أمس السبت لعملية جراحية دقيقة، قضت فيها ساعات طويلة، واضطر بعدها الفريق الطبي المعالج لنقلها الرعاية المركزة والتي ما زالت تتواجد فيها حتى كتابة هذه السطور، وفور الحصول على تطورات جديدة سنوافيكم بالأخبار.

وسبق وأشار العوضي إلى خضوع ياسمين عبد العزيز لعملية جراحية وتواجدها بغرفة العمليات، وكتب عبر “فيسبوك:”الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم.. اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها”.

عبّر الفنان أحمد العوضي عن مدى حبه لزوجته الفنانة ياسمين عبد العزيز، بعد خضوعها لعملية جراحية، مطالبًا الجمهور بالدعاء لها.

ونشر العوضي صورة تجمعه بياسمين، عبر صفحته الرسمية على موقع التواصل الاجتماعي “فيسبوك”، وعلق قائلًا: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض، عشان أنا روحي مش معايا.. أنا ضعيف جدًا من غيرك انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه”.

وأضاف: “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك”.

واختتم العوضي حديثه قائلًا: "قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض، من أيام حلوة ومواقف صعبة مرت علينا.. أكتر بكتير حتى من الموقف اللي احنا فيه دلوقتي.. أنا بحبك.. ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجه دعواتكم".

تعليقات القراء