«أنا دلوقتي أضعف إنسان على الأرض».. رسالة مؤثرة من أحمد العوضي لـ ياسمين عبدالعزيز بعد خضوعها لعملية جراحية: «وعدتيني إنك هتقومي»
الموجز
وجه الفنان أحمد العوضي، رسالة مؤثرة لزوجته الفنانة ياسمين عبد العزيز، وذلك بعدما خضعت لعملية جراحية خلال الساعات الأخيرة.
وكتب العوضي منشوراً عبر حسابه بموقع "فيس بوك"، قال فيه: "يمكن ببان قدامكم دايما قوي، لكن الحقيقة أنا دلوقتي أضعف إنسان على وجه الأرض عشان أنا روحي مش معايا".
وأضاف العوضي موجهاً حديثه لزوجته ياسمين: "أنا ضعيف جدًا من غيرك انتي لازم تبقي كويسة ولازم تقومي بالسلامة، أنا لأول مرة اكتب من غير ما أكون مفكر أنا بكتب إيه وهكتب إيه، بس انتي هتقومي إن شاء الله بإذن الله عشان انتي وعداني وعد وهتتفذيه".
وتابع العوضي في رسالته: "انا عاوزك تبقي كويسة وتقومي عشان أقولك أني لو كنت ببينلك أني بحبك مرة فالحقيقي واللي جوايا إني بحبك ألف مرة، وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدًا.. لحد ما تقوميلي تاني عشان زي ما انتي بتاخدي قوتك مني انا كمان باخد قوتي منك.. قومي عشان أنا بحبك.. بحبك أكتر بكتيير من كل الكلام اللي أنا كتبته أكتر بكتير من كل اللي عدينا بيه مع بعض من أيام حلوة ومواقف صعبة مرت علينا.. أكتر بكتير حتي من الموقف اللي إحنا فيه دلوقتي.. أنا بحبك "، واختتم كلامه: "ادعوا لها تقوم بالسلامة زي ما أنتو دايما بتدعولها بالنجاح والتوفيق.. هي دلوقتي محتاجة دعواتكم".
وحصد المنشور الذي كتبه أحمد العوضي لياسمين عبدالعزيز عدد كبير من التعليقات التي تمنت الشفاء للنجمة ياسمين عبد العزيز.