«رقصت وغنيت.. حد عايز حاجة؟».. تامر حبيب يتحدى الجمهور ويرد على انتقادات حضور الفنانين زفافًا بعد جنازة سمير غانم.. ووصية لأصدقائه.. وتعليق قوي من إبنة سعيد صالح: «الوسط الفني كله بيتشتم»

الموجز
ثقافة وفن
2021-05-23 09:45

الموجز  

رد السيناريست تامر حبيب على الانتقادات التي وجهت إليه بجانب عدد من الفنانين بسبب حضورهم حفل زفاف رجل أعمال في الجونة بعد ساعات من جنازة الفنان الكوميدي سمير غانم.

وكتب حبيب تدوينة عبر صفحته الشخصية بموقع "فيس بوك" قال فيها: "طيب، أنا فعلاً حزين وموجوع على وفاة الاستاذ سمير غانم، وللأسف مقدرتش أروح الجنازة والدفنة لإني في الجونة وحصلت ظروف تمنعني أسافر الصبح وارجع بالليل علشان أروح الفرح".

وأضاف السيناريست في تدوينته: "وللحق الفرح كان جميل وطاقته كانت حلوة، فرقصت وغنيت مع عمرو دياب واتصورت مع اصحابي"، مختتماً بالقول: "حد عايز حاجة؟".

وفي تدوينة أخرى كتب حبيب: "اوصي كل اللي بيحبوني و هايزعلوا عليا، يوم ما اموت و يبقوا حزاني من قلبهم، لو كان نفس اليوم فيه اي حاجة ممكن تبهجهم و تنسيهم حزنهم يعملوها فوراً... و انا هابقي مبسوط قوي".

تعليق قوي من إبنة الراحل سعيد صالح 

من جانبها، علّقت هند سعيد صالح، إبنة الفنان الراحل سعيد صالح، على منشور تامر حبيب الاول، حيث وجهت له رسالة مفادها بأن تدوينته قد تكون سبباً في غصب الناس والجمهور من الوسط الفني بشكل عام.

وقالت هند في تعليقها - الذي لم يرد عليه تامر حبيب-: "حقك طبعا و ماحدش عايز منك حاجة.. بس استأذنك لما تكتب بوست تكون عارف انه هينط ترند و يبقى حديث المدينة و ان البوست هيكون سبب للمرة المليون ان الوسط الفنى كله يتشتم .. ابقى بعد اذنك اكتب ان مش كل الوسط الفنى زى بعض. و ان ده حالك لوحدك او حال القلائل من الوسط .. و ان زى ما فيه ناس خافت يروح عليها فرح الجونة فيه ناس قلبها واجعها اوى و كأن الميت ميتها".

وتابعت في تعليقها: "افتكر ان فيه فنانين قاعدين فى بيوتهم او فى قبورهم بيتهانوا و يتمسح بيهم الأرض لمجرد فكرة السيئة تعم".

هجوم وانتقاد 

كما علّق أحد المتابعين لتامر حبيب، ويدعى Tamer Abo Al-Hoda على منشور السيناريست، حيث كتب قائلاً: "أكيد ماحدش مننا ليه عندك أي حاجه..!!..بس سمير غانم هو اللي ليه عليك حق.. فياريت لما تقابل دنيا وإيمي ومدام دلال الله يشفيها تبقى تقولهم الكلمتين دول..و بنفس الأسلوب ده".

ورد حبيب على تعليق المتابع قائلاً: "لا هنا عندي هنا علي الفيسبوك و هايقروا الكلام ده ماتقلقش... و حق استاذ سمير عليا ده موضوع ماحدش له دعوة بيه خالص... و ان شاءالله يوم ما انا اموت و يبقي فيه مناسبة في نفس اليوم فيها فرصة للناس اللي زعلانين عليا انهم ينسوا زعلهم و يغنوا و يرقصوا... وصيتي ليهم انهم لازم يروحوها".

ليرد المتابع على تامر حبيب قائلاً: "ولاد الأصول بينسوا زعلهم ويفرحوا أكيد بس بعد مايعملوا الواجب.. يابن الأصول".

وكان حفل زفاف نجل رجل الأعمال أيمن الجميل قد شهد حضور عدد كبير من أهل الفن، ولم يكتفوا بالحضور فقط بل قاموا بالرقص على أغاني عمرو دياب، أبرزهم الفنانة يسرا التي تعرضت لانتقادات حادة بعد تداول مقطع فيديو لها وهي ترقص بجوار المطرب عمرو دياب على إحدى أغانيه.

واعتبر الجمهور حضور الفنانين لحفل الزفاف بعد ساعات من جنازة سمير غانم "عدم مراعاة لمشاعر عائلة الفنان الكوميدي الراحل".

وتوفي سمير غانم الخميس الماضي عن عمر ناهز 84 عامً بسب مضاعفات إصابته بفيروس كورونا الستجد بأحد مستشفيات القاهرة.

تعليقات القراء