واحدة ست مش قادرة تستحمل الظروف وزوجة أخونا الراجل المحترم مجدي كامل .. أمير كرارة يرد على مبادرة أحمد التهامي للمسامحة مع مها أحمد

الموجز

أعلن الفنان أمير كرارة عن مسامحته للفنانة مها أحمد على خلفية التصريحات الأخيرة التي كتبتها عبر مواقع التواصل الاجتماعي، وأشعلت أزمة بينهما بالإضافة لإسائتها للفنان أحمد السقا

حاول الفنان أحمد التهامي المصالحة بين طرفي الأزمة، حيث نشر صورة عبر حسابه على فيسبوك، جمعت الطرفين.

واحدة ست مش قادرة تستحمل حياتها الصعبة

وكتب التهامي قائلا: "دول اخواتي و دول اخواتي، وإن شاء الله ربنا يقدرنا على فعل الخير .... ارحموا من في الأرض يرحمكم من في السماء الدنيا صعبة والناس تعبانة لازم نستحمل بعض شوية".

تابع: "صاحب الشأن راجل محترم وابن بلد وبيفهم في الأصول وعارف إنها واحدة ست مش قادرة تستحمل من الظروف والضغوط اللي في حياتها الصعبة ومقدر إنها زوجة أخونا الراجل المحترم مجدي كامل، ربنا يهدي النفوس ويهدينا جميعا لفعل الخير".

 

 

رد أمير كرارة على منشور أحمد التهامي قائلا: "مها أختي ومجدي أخويا وأنا والله ولا زعلان ولا أي حاجة عشان فعلا الموقف دا محصلش وبردو مش زعلان منها دي حبيبتي ومجدي حبيبي وأخونا".

كانوا مخدماتية للأستاذة

بدأت الأزمة بعد شن الفنانة مها أحمد، هجومًا عنيفًا على نجمين كبيرين ظهرا في مسلسل رمضاني، لم تسمهما، وقالت عنهما "كانوا مخدماتية للأستاذة"، وجاء رد والدة الفنان أحمد السقا، والفنان أمير كرارة، ليربط بينهما وبين هذا الهجوم.

كتبت «مها» عبر صفحتها الرسمية بموقع «فيسبوك»: «عوضي على الله دى الجمله اللى دايما بقولها لما اتصدم فاشخاص، الحكايه ياساده نجمين عملوا مسلسل واتنجمت عليهم بنوته لسه الف باء تمثيل واديتهم على قفاهم وركبت عليهم إلى ان اصبحت بطلة المسلسل وبطلة الدعايه للمسلسل وهما راضيين رغم ان طول عمرهم مبيعملوش كده مع أي زميله لهم اقربها انا».

موضحة:«النجم الاولانى بينى وبينه عيش وملح وزماله رشحت فمسلسل بطولته وكان بيقنعنى بدور ولما وافقت بعتولى دور تانى معرفوش دور متعملوش واحده مبتداءه المفروض انه عارف قيمتى الفنيه وعارف انى اضافه له اتهرب منى وموقفش جنبى وباعنى رغم ان الكل عارف انى زى اخته (ندل)».

واضافت: «اما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه طبعا محكلكوش قد ايه ندمت نفسى وعشت اسود ايام حياتى عياط واكتئاب وقلت عوضى عليك يارب»

واستكملت :«تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنه اولى تمثيل وخبره ويتحول المسلسل والدعايه الدراما كامله لصالحها وهما (مخدماتيه للاستاذه)».

واختتمت :«يمهل ولا يهمل ابدوا من جديد يااوفر تمثيل ياللى مبتقروش ياكمبارس جنب النجمه. نصيحه بلاش تتشطروا على اللى كان بينكم وبينهم عيش وملح بلاش تتشطروا على اساتذتكوا. ( عوضنا على الله ) .يارب متحوجنا لحد حتى ولو كان اققرب الناس لينا».

تعليقات القراء