"مخدماتية للأستاذة".. أزمة بين "مها أحمد" وأسرة السقا بعد تصريحاتها عن نسل الأغراب
الموجز
بعد إعلان شركة المتحدة للإنتاج الفني وقف التعامل مع المخرج محمد سامي، اشتعلت أزمة في الوسط الفني .
البداية كانت مع "مها أحمد" التي خرجت عن صمتها، وكتبت منشور عبر حسابها على موقع التواصل الاجتماعي "فيسبوك" كشفت فيه تفاصيل حدثت بينها وبين نجمين لم تذكر اسمائهم.
وكتبت "مها" قائلة: عوضي على الله دي الجملة اللي دايمًا بقولها لما اتصدم فأشخاص، الحكاية با سادة نجمين عملوا مسلسل واتنجمت عليهم بنوته لسة ألف باء تمثيل واديتهم على قفاهم وركبت عليهم إلي أن أصبحت بطلة المسلسل وبطلة الدعاية للمسلسل وهما راضيين رغم أن طول عمرهم مبيعملوش كدة مع أي زميلة لهم اقربها أنا.
وأضافت : النجم الأول بيني وبينه عيش وملح وزماله رشحت فمسلسل بطولته وكان بيقنعني بدور ولما وافقت بعتولي دور تاني معرفوش دور متعملوش واحدة مبتدئة، المفروض أنه عارف قيمتي الفنية وعارف اني إضافة له، اتهرب منى وموقفش جنبى وباعنى رغم ان الكل عارف انى زى اخته (ندل).
وتابعت "مها": أما التانى كان فبداياته يتمنى يسلم عليا ويقولى يااستاذه نزلت من نفسى وقلتله مش هنشتغل مع بعض ماهى الحوجه مره رد وقالى الدور بينادى صاحبه. طبعا محكلكوش قد ايه ندمت نفسى وعشت اسود ايام حياتى عياط واكتئاب. وقلت ( عوضى عليك يارب) .
وواصلت: تمر الايام والاتنين يعلو ويتجمعوا مع بعض فمسلسل واحد( على عينهم طبعا) ويمثلوا وحش قوى تمثيل الكفار وطلعوا كمان مبيقروش اللى بيمثلوه وربنا يركب عليهم بنوته سنة اولى تمثيل وخبرة ويتحول المسلسل والدعاية الدراما كاملة لصالحها وهما "مخدماتيه للاستاذة".
