أحمد السعدني ينسحب من مسلسل ’’كله بالحب‘‘.. ويهاجم زينة: ’’اللي بيحصل ده مهزلة‘‘

كتب: ضياء السقا

أعلن الفنان أحمد السعدني، انسحابه من مسلسل "كله بالحب"، والاكتفاء بما قدمه من مشاهد سابقة، بسبب انزعاجه من بعض الأمور المتعلقة بالعمل، المقرر عرضه في الموسم الرمضاني المقبل وتقوم ببطولته الفنانة زينة.

وكتب «السعدني»، عبر حسابه الشخصي على موقع التواصل الاجتماعي «فيس بوك»: «الحقيقة أنا عمري ما عملت مشكلة في شغلي، وعمري ما اختلفت مع زمايلي، إنما أنا اللي بيحصل معايا في المسلسل اللي شغال فيه ٢٤ ساعة مبروحش بيتنا عشان يلحق العرض والواحد ساكت وبيعدي بلاوي عشان الزنقة والظروف، أنا متربي في استوديوهات، كبرنا أنا واللي زيي اللي كان بيتقال عليهم أبناء الفنانين كإنها شتيمة على احترام مهنتنا مواعيدنا ومذاكرتنا وتحضيرنا للشغل، احترامنا للكلمة قبل العقد».

وأضاف: «للأسف شركة الإنتاج ملتزمتش معايا باتفاقهم إللي على أساسه وافقت أشتغل، وكان شرط أساسي لقبولي الشغل معاهم، والحقيقة أول مرة أشوف تصميم دعاية عمل فني من أفيشات وبرومو بتعمله زميلة في العمل طول عمري كنت فاكرها من اختصاص شركة الإنتاج، الحقيقة أنا ضهري في الحيط أكمل وأقبل بالعبث ده عشان باقي الزملا الفنانين والفنيين المشاركين في العمل اللي ملهمش ذنب وإلا أقعد في بيتنا وأكتفي باللي صورته وأطلب من النقابة تجيبلي حقوقي المادية».

واختتم حديثه قائلا: «في كل الأحوال أنا بعتذر لأي شخص بيحبني عن تواجدي في هذا العمل، لأن الحقيقة اللي بيحصل ده مهزلة».

وأشارت تقارير صحفية، إلى أن هناك خلافا حادا بين أحمد السعدني، وزينة، حيث اتهمها الفنان بالتدخل في جميع تفاصيل العمل بما فيها بوسترات المسلسل والمقاطع الدعائية للعمل.

تعليقات القراء