سمير صبري: حسب التقرير الشرعي البريطاني والمصري لوفاة سعاد حسني مفيش كسر في الجثمان

الموجز

قال الفنان سمير صبري إن البرنامج التليفزيوني الذي أجراه بعد وفاة "السندريلا" سعاد حسني، وصوره في المكان الذي توفيت فيه، كان الهدف منه أن يتحقق لا أن يحقق.

وتابع سمير في حواره مع الإعلامي عمرو الليثي في برنامج "واحد من الناس": "خرجت من التحقيق الخاص بحادثة موت سعاد حسني إن حسب التقرير الشرعي البريطاني والمصري مفيش كسر في الجثمان، فقط خبطة في الدماغ وكدمات زرقاء في أنحاء مختلفة في الجسم، وأعتقد مستحيل إن واحدة عندها 58 سنة تسقط من الدور السادس أو تُسقط بلا كسر، وده يخليني أعتقد أنها ماتت في الشقة إثر مشاحنات لسبب ما، واتشالت على أساس إنهم يتخلصوا منها وسابوها أسفل البيت".

وأضاف "بيتهيألي بالصدفة اتقتلت مش مقصود قتل، الست صاحبة الشقة بتاخد مخدرات وأعتقد الناس كانوا جايين ياخدوا فلوس منها وحصل مشاحنات واتدخلت سعاد، صاحبة الشقة قالتلي حبيبة قلبي ماتت أدام عيني هنا أقولها انتي قلتي هنا قالتلي لأ".

واختتم "دائما برد على السؤال ده، بالنسبة لي سعاد حسني بئر الحرمان والزوجة التانية وخللي بالك من زوزو، وأميرة حبي أنا، هي الأفلام الرائعة اللي سابتهالنا ونترك ما حدث حدث".

سعاد حسني رحلت عن عالمنا في 21 يونيو 2001، وظل حادث وفاتها غامضًا، ما بين تأكيد البعض انتحارها، وإشارة البعض الآخر ليد خفية قتلتها وألقت بها من شرفة منزل صديقتها في انجلترا.

تعليقات القراء