باسم يوسف يرد على صوره مع فتاة إسرائيلية: معاها باسبور أميركي


 

علق الإعلامي باسم يوسف، على ما أثير حول التقاط صورة مع يوتيوبر شهير تحمل الجنسية الإسرائيلية، وهو ما أثارة حالة من الجدل عن التطبيع لدي الإعلامي الشهيرة، ليخرج نافياً صحة ما أثير على تلك الصورة.

وقال باسم يوسف عبر حسابه على الفيس بوك:” توضيح لابد منه نشر البعض صور لي مع أحد اليوتيوبرز وتداول كلام غير صحيح عن أني مساند لأجندات سياسية معينة وخصوصا بعد الأحداث اللي حصلت الأسبوع اللي فات مع أحد الفنانين المصريين”.

وتابع باسم يوسف:” الكلام ده غير صحيح وقصة الصورة أن من سنة فريق تصوير أمريكي جه يصور معايا في لوس أنجيليس وكان فيه يوتيوبر مشهور أنه مزدوج الجنسية كان ساعتها متعاقد مع هذه القناة، واشتهر بعد كده وأيضا اتهاجم بسبب فيديوهاته اللي بتدعو للمحبة والسلام”.

وأكمل يوسف:” لكن مع تجاهل أحوال أخواننا الفلسطينيين وده شئ ما اقبلوش المهم من سنة الصور اتاخدت وتم تقديمي للفتاة المصاحبة ليهم على أنها فتاة أمريكية وماكنتش أعرف بإزدواج جنسيتها حتى اليوم. الحلقة موجودة من سنة وليها علاقة بحياتي في لوس انجيليس وبس كده”.

واختتم يوسف:” فعشان بس الكلام اللي حينتشر عن أني قابض عشان أنفذ أجندة سياسية معينة أو أني جزء من تحرك ما والكلام اللي مالوش لازمة ده فعشان الزيطة اللي حتحصل والصيد في المية العكرة حيبتدي فده توضيح للموقف وخلاص على كده”.

تعليقات القراء