«غرق منزله وانفصاله عن حبيبته ووفاة صديقه».. نجل الفنان مجدي كامل يكشف عن معاناته مع مرض غامض: «الدكاترة مش عارفين عندي إيه»

الموجز  

أثار عادل، نجل الفنان مجدي كامل والفنانة مها أحمد، موجة من تعاطف الجمهور، بعدما كشف عن مروره بحالة نفسية سيئة بسبب معاناته مع المرض الذي لا يعلم سببه، فضلًا عن إحساسه باقترابه من الموت.

وكان عادل مجدي كامل قد كتب منشوراً عبر حسابه الشخصي على موقع "انستجرام" كشف فيه عن مروره بفترة صعبة وإنه يشعر بتعب غير عادي، ولا يعرف ما أصابه حتى الأطباء لا يعرفون ما به.

وأوضح عادل أنه تناول أدوية كثيرة وحقن لكن حالته لا تتحسن. 

وقال عادل في منشوره: "أنا بكتب الكلام ده وأنا إيدي بتترعش وفعلا تعبان ومش قادر، ومش عارف أنا عندي إيه، ومش عارف أتكلم مع حد علشان مش عايز أخلي حد يشيل همي، بس أنا هكتب الكلام اللي عايز أكتبه ده علشان أنا مش عارف اللي جاي إيه ولا هيحصل إيه، أنا حياتي بايظة بقالها 4 شهور من يوم ١٥-٦ لحد النهاردة ١٥-١٠".

وأضاف: "الأربعة شهور دول أوحش أربع شهور عدوا عليا في حياتي، من يوم ما جيت الدنيا علشان حصلي فيهم حاجات وجعتني وتعبتني وأثرت على نفسيتي، أولهم كان أول حب في حياتي عاش لمدة سنة ونص وكان نهايته يوم ١٥-٦، بعدها كان وفاة حفناوي صاحبي وأخويا يمكن مكناش قريبين من بعض بس مجرد مبنتكلم مع بعض أو بنشوف بعض بيبقى أكننا نعرف بعض من الحضانة، وكان في ذكريات حلوة أووي لينا مع بعض".

وتابع: "بعدها البيت بتاعنا لما غرق كله ولحد دلوقتي منعرفش غرق إزاي ولا إيه اللي حصل، بس الحمد لله على كل شيء ولحد دلوقتي البيت لسه بايظ، وآخرها بقى وده لسه من ٣ أيام إني تعبت جدا فجأة، وتعبت تعب مش عادي ومش عارف أنا عندي إيه ولا الدكاترة عارفين أنا عندي إيه، خدت جميع الأدوية وخدت حقن وبنام كويس وباكل كويس وبعمل كل حاجة وبرضه مفيش أي تحسن، أنا بكتب الكلام ده دلوقتي وأنا مش حابب كده خالص ولا كنت عايز أعمل كده بس عملت كده وكتبت كده وهنزله علشان أنا بجد خايف من اللي جاي ومش عارف إيه اللي ممكن يحصل".

واستكمل عادل منشوره بالقول: "لو حصل حاجة أكون كتبت كل اللي جوايا وأكون ارتحت إني عملت كده، وعلشان برضه تكونوا عارفين إن الضحك والهزار والخروج والإستوريز مش دي الحياة الحقيقية، الحياة الحقيقية هي اللي أنا حكيتها دلوقتي، محدش يعرف ؟أنت حياتك عاملة إزاي ولا إيه اللي بيحصل فيها ولا جواك إيه كله، شايفك في صور وفيديوهات مش حقيقية، المهم ربنا يستر في اللي جاي ويعدي على خير إن شاء الله علشان المرة دي أنا بجد حسيت بالموت، فلو عدت على خير حياة الواحد هتتغير تماماً في كل حاجة حتى في الصور والفيديوهات، آسف إني طولت عليكوا، يا رب أنت الشافي المعافي"

 

 

 

 

View this post on Instagram

 

 

 

 

 

 

 

 

 

انا بكتب الكلام ده و انا ايدي بتترعش و فعلا تعبان و مش قادر و مش عارف انا عندي ايه و مش عارف اتكلم مع حد علشان مش عايز اخلي حد يشيل همي ، بس انا هكتب الكلام اللي عايز اكتبه ده علشان انا مش عارف اللي جاي ايه ولا هيحصل ايه ، انا حياتي بايظه بقالها اربع شهور من يوم ١٥-٦ لحد انهارده ١٥-١٠ ، الاربع شهور دول اوحش اربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني و تعبتني و أثرت علي نفسيتي ، أولهم كان اول حب في حياتي عاش لمدة سنه و نص و كان نهايته يوم ١٥-٦ ، بعدها كان وفاة حفناوي صاحبي و اخويا يمكن مكناش قريبين من بعض بس مجرد مبنتكلم مع بعض او بنشوف بعض بيبقي اكننا نعرف بعض من الحضانه و كان في ذكريات حلوه اووي لينا مع بعض ، بعدها البيت بتاعنا لما غرق كله و لحد دلوقتي منعرفش غرق ازاي ولا ايه اللي حصل بس الحمد الله علي كل شئ و لحد دلوقتي البيت لسه بايظ ، و اخرهم بقي و ده لسه من ٣ ايام اني تعبت جدا فجأه و تعبت تعب مش عادي و مش عارف انا عندي ايه ولا الدكاتره عارفين انا عندي ايه ، خت جميع الادويه و خت حقن و بنام كويس و باكل كويس و بعمل كل حاجه و برضه مفيش اي تحسن ، انا بكتب الكلام ده دلوقتي و انا مش حابب كده خالص ولا كنت عايز اعمل كده بس عملت كده و كتبت كده و هنزله علشان انا بجد خايف من اللي جاي و مش عارف ايه اللي ممكن يحصل ، فعلشان لو حصل حاجه اكون كتبت كل اللي جوايه و اكون ارتحت اني عملت كده و علشان برضه تكونوا عارفين ان الضحك و الهزار و الخروج و الاستوريز مش دي الحياه الحقيقيه ، الحياه الحقيقيه هي اللي انا حكاتها دلوقتي ، محدش يعرف انت حياتك عامله ازاي ولا ايه اللي بيحصل فيها ولا جواك ايه كله شايفك في صور و فيديوهات مش حقيقيه ، المهم ربنا يستر في اللي جاي و يعدي علي خير ان شاء الله علشان المره دي انا بجد حسات بالموت ، فلو عدت علي خير حيات الواحد هتتغير تماماً في كل حاجه حته في الصور و الفيديوهات ، اسف اني طولت عليكوا ، يارب انت الشافي المعافي

A post shared by adelmagdiikamel (@adelmagdiikamel) on

Oct 15, 2020 at 11:15am PDT

ونشر موقع "مصراوي" معلومات عن الشاب عادل مجدي كامل:

- من مواليد 1997، لاعب كرة قدم، كان من ناشئي الأهلي ولعب للزمالك عامين، قبل أن يذهب للمقاصة ثم الإنتاج الحربى.

- يحب التمثيل ولكن رفض والده مجدي كامل دخوله المجال خاصة وإنه يحب كرة القدم أكثر.

- لديه شقيق يُدعى "أحمد"، وهو ذوي الاحتياجات الخاصة، وقالت والدته في لقاء سابق لها، إنه يحب شقيقه كثيرًا: "مش بيحلف غير بأخوه أحمد".

- في عام 2016، طاردت "عادل"، العديد من الشائعات بشأن ارتباطه بالفنانة منة عرفة، بعد تداول صور لهما أثناء الاحتفال بعيد ميلاده.

- حرصت منة على نفي الشائعة من خلال لقاء سابق لها قائلة: "الصور مش أنا اللي نشرتها ولا حد من عندي، اللي نشرها أستاذة مها أو عادل، وعلاقتي بيه متتعداش الإخوة".

- في سبتمبر المنقضي، تعرض منزل عادل مجدي كامل للغرق، وكشفت والدته "مها"، عن عدم معرفتها سبب ذلك.

- عادل مجدي كامل، تربطه علاقة صداقة قوية مع اللاعب رمضان صبحي، بدأت خلال تواجدهما معا في ناشئي النادي الأهلي.