«أحمد حلمي كان شخص بوهيمى ورامز كان غلبان» .. أحمد السقا : مجدى كامل ابن بطن أمى وعشرة عمرى

الموجز

قال النجم أحمد السقا، خلال للقائه في برنامج "معكم" تقديم الإعلامية منى الشاذلى المذاع على قناة Cbc، إن من ضمن دفعتى كان مجدى كامل وأحمد حلمى ومحمد سعد ورامز جلال وغيرهم كنا شلة واحدة، ومجدى كامل تحديدًا ابن بطن أمى وعشرة عمرى، وأنا كان معايا زمان عربية سيات صغيرة وهو مكنش بيعرف يسوق وكان لازم يجى يسوق عربيتى ونعمل حادثة كل مرة.

وأضاف السقا ، رامز جلال قد بعض باليوم وهو عشرة عمر وسنين، وكان مقفول عليه أوى ووالدته كانت بتخاف عليه أوى وكنت كل يوم أعدى عليه ألاقى مامته عملاله الساندوشات وناكلها أنا وهو بقى طول اليوم، هو طول عمره طيب بس شقى شوية والأيام دى عدى جامد في الشقاوة.

وتابع: أما أحمد حلمى فكان شخص بوهيمى شوية وكان بيرسم على البالطو بتاعه، وأنا بعتبره أقوى حد بيرسم بورتريهات، وبيرسملنا كل طموحاتنا على ورق، ولو في امتحان مادة مش بيحبها مش بيروح يعنى مثلاً في مادة اللغة الإنجليزية مكنش بيجى أصلاً، بس هو من الممثلين اللى طوروا نفسهم جدًا