نصر محروس يفجر مفاجأة : «بهاء سلطان» تقاضى 350 ألف جنيه من لقاء «صاحبة السعادة إسعاد يونس»
الموجز
كشف المنتج نصر محروس،في مداخلة هاتفية لبرنامج «التاسعة»، الذي يقدمه الإعلامي وائل الإبراشي عبر فضائية «التليفزيون المصري»، أن «بهاء سلطان» تقاضى 350 ألف جنيه من لقائه مع الإعلامية إسعاد يونس، متسائلًا باستياء: «فين حقوق الشركة، ومغني خمس أغاني في الحلقة كلماتي، كلام وتصرفات متناقضة وعشوائية».
وعلق على أزمته مع المطرب بهاء سلطان، قائلًا: «معطلني ومعطل نفسه، مافيش أغنية اتعملت لبهاء سلطان ماكسرتش الدنيا، ولو ماشيين عدل كنا المفروض عملنا عدد أغاني أكتر من كده وكان مستوانا المادي والفني غير كده»، بحسب تعبيره.
وأضاف أنه «لا يوجد ما يسمى عقد احتقار بينه وبين الفنان وإنما ما يكتبه عقد اتفاق لإنتاج وتوزيع وبيع وتداول محتوى موسيقي فني»، معقبًا: «هل ينفع محمد صلاح يلعب في نادي تاني غير ليفربول ويقول معلش أجاملهم في الماتش ده؟ فيه التزام في العقود ده مايسميهاش بقى عقود احتكار».
وأوضح أنه حاول التفاوض مع «سلطان» مرارًا من خلال العديد من الوسطاء، لكن ما يدور في ذهنه هو ترك الشركة فقط، مضيفًا أن العقد المشترك مازال قائمًا ولابد من استكماله حتى يستطيع المطرب الانفصال عنه.
وتابع: «إن شاء الله كل حاجة تتصلح لما كل واحد يبص من عين الغربال ويفتح ويشوف ايه اللي ليه وإيه اللي عليه، الدنيا دي واجبات وحقوق.. بموت نفسي تحت رجل الفنان عشان يبقى حاجة جامدة جدا ومتميز».
ومازح الإعلامي وائل الإبراشي نصر محروس: «هل قنوات الاتصال انقطعت وبيعاملك بتعالي قوم اقف وانت بتكلمني؟»، ليرد الأخير: «وانا بعامله الواد قلبه بيوجعه، فيه تعالي وتكبر منه ومن محاميه، شوشرة ملهاش لازمة»، بحسب تعبيره.