«ولادي الاتنين ماتوا».. حمادة صميدة للمتنمرين: «أبوس إيديكم ارحموني وسيبوني أفرح بابني اللي فاضل»

الموجز 

جدد الفنان الشاب حمادة صميدة، مطالبته للتنمرين به بالكف عن ذلك، مشيراً إلى أنه مرّ بظروف صعبة للغاية في حياته، يأتي في مقدمتها حينما فقد طفليها "حمزة وياسين" في سن خمسة أشهر.

وكتب صميدة منشورًأ عبر حسابه الشخصي على موقع "انستجرام"، قال فيه: "أنا مريت بوجع وبظروف صعبة كتير بس أكتر لحظة وقف فيها قلبي ونزلت فيها دموعي لما ماتوا ولادي (حمزة وياسين) أول فرحة ليا في سن خمس شهور، حسيت ساعتها أنا ومراتي إن دي النهاية خلاص والدنيا اسودت في وشي ووجع ربنا ما يكتبه لحد". 

وأضاف صميدة: "لكن رحمة ربنا إنه يرزقني بابني (فارس) اللي ماليش غيره في الدنيا وهو أغلى حاجة عندي وممكن أضحي بعمري علشانه، فكفاية تنمر كفاية سخرية كفاية شتيمة.. سيبوني أفرح بحاجة، بحب ابني وشغلي دول حلم حياتي، لأن دول اللي فاضلين ليا في دنيتي بقى".

كما نشر صميدة صورة لنجله "فارس"، مضيفاً: "أبوس إيديكم ارحموني لما تشوفوني بنزل صورة لابني (فارس) اللي فرحان بيه وطلعت بيه من الدنيا، أنا ماليش في الدنيا غيره أنتوا متعرفوش أنا جوايا إيه وظروفي إيه ومريت بأيام شكلها عامل إزاي، أنا عارف إن (حمزة وياسين) في الجنة وأنا مشتاق للجنة عشان أشوفهم".

 
 
 
 
 
 
 
 
 
 
 
 
 

انا مريت بوجع و بظروف صعبه كتير بس اكتر لحظه وقف فيها قلبي ونزلت فيها دموعي لما ماتو ولادي حمزه وياسين اول فرحه ليا في سن خمس شهور حسيت ساعتها انا ومراتي ان دي النهايه خلاص والدنيا اسودت في وشي وواجع ربنا ما يكتبه لحد لكن رحمه ربنا انه يرزقني بإبني فارس اللي ماليش غيره في الدنيا وهو اغلي حاجه عندي وممكن اضحي بعمري علشانه فكفايا تنمر كفايا سخريه كفايا شتيمه سبواني افرح ب حاجه بحبه ابني وشغلي دول حلم حياتي لأن دول اللي فاضلين ليا ف دنياتي بقي ابوس اديكم ارحمواني لما تشوفوني بنزل صوره لابني فارس اللي فرحان بيه وطلعت بيه من الدنيا انا ماليش في الدنيا غيره انتو متعرفوش انا جوايا ايه وظروفي ايه ومريت بأيام شكلها عامل ازاي انا عارف ان حمزه وياسين في الجنه وانا مشتاق للجنه علشان اشوفهم

A post shared by Hamada semeda حمادةصميدة (@hamadasmida) on

تعليقات القراء