«اتعرضت لصدمة في حياتي وكنت شايف الدنيا كلها فلوس بس».. اليوتيوبر أحمد حسن يعلن اعتزال يوتيوب نهائيًا ويحكى قصته!

الموجز

أعلن اليوتيوبر أحمد حسن اعتزال "يوتيوب" نهائيا، وذلك بعد ساعات من قرار النائب العام بإخلاء سبيل حسن وزوجته زينب، بكفالة مالية.

وقال حسن في الفيديو الذي نشره عبر "تيك توك": "أنا قررت اعتزل اليوتيوب بس قبل ما اعتزل لازم تسمعوا كل الكلام اللي جاي ده".

وأضاف: "أنا اسمي أحمد حسن من أسرة تحت الفقيرة بشوية صغيرين كده وكنت عايش في البساتين منطقة أغلبكم عارفها وأبويا كبير في السن وكان عنده محل ترزي وزيه زي أي أب لما بيكبر لازم ولاده هما اللي يشيلوا المسؤولية خصوصا لو عنده بنات". حسبما نشر موقع "الوطن".

وتابع: "من 4 سنين كده كنت في تالتة ثانوي عام وقبل الامتحانات بأسبوعين بالظبط قررت اني مدخلش الامتحانات بسبب صدمة كبيرة جدا حصلت لي في حياتي قبل الامتحانات بأسبوعين وساعتها أهلي اتصدمو وكل اللي يعرفني اتصدم وكله بقا شايفني فاشل".

واستطرد: "قررت ساعتها اني أثبت لهم عكس كده لكن مش بالكلام بالأفعال وأخويا الكبير ساعتها كان لسه متخرج وكان المفروض يشتغل اما مهندس كمبيوتر أو مهندس برمجيات وبما أن مكنش فيه أي شغل متاح ساعتها فكان شغال مندوب مبيعات وساعتها قررت اني انزل اشتغل معاه عشان ساعتها كنت شايف الدنيا كلها هي فلوس بس".

وقضى اليوتيوبر أحمد حسن وزوجته زينب 72 ساعة رهن الحبس الاحتياطي في البلاغ المقدم ضدهما من المجلس القومي للأمومة والطفولة الذي يتهمهما بنشر فيديوهات مسيئة واستخدام طفلتهما "إيلين" في صناعة وبث فيديوهات بهدف تحقيق نسب مشاهدة عالية للتربح من وراء نشرها على يوتيوب ومنصات التواصل الاجتماعي، حتى أعلنت النيابة العامة إخلاء سبيلهما بضمان مالي قدره 40 ألف جنيه.

 

72 ساعة قضاها اليوتيوبر أحمد حسن وزوجته زينب رهن الحبس الاحتياطي في البلاغ المقدم ضدهما من المجلس القومي للأمومة والطفولة الذي يتهمهما بنشر فيديوهات مسيئة واستخدام طفلتهما "إيلين" في صناعة وبث فيديوهات بهدف تحقيق نسب مشاهدة عالية للتربح من وراء نشرها على يوتيوب ومنصات التواصل الاجتماعي، حتى أعلنت النيابة العامة إخلاء سبيلهما بضمان مالي قدره 40 ألف جنيه.

 

تعليقات القراء