"خلي أيمن يلحقني".. الاستغاثة الأخيرة لهيثم أحمد زكي قبل الوفاة تثير الجدل.. وخطيبته تخرج عن صمتها للمرة الأولى

كتب: ضياء السقا

"خلي أيمن يلحقني".. هكذا استغاث الفنان الراحل هيثم أحمد زكي، بخطيبته إنجي سلامة قبل وفاته بدقائق.

وأكد أيمن أحمد، الصديق المقرب للفنان الراحل، أن هيثم استغاث بخطيبته قبل وفاته بدقائق، مؤكدا أن الفنان اتصل به مرتين، لكنه لم يستطع الرد عليه بسبب ظرف عائلي.

وكشف أيمن في مقابلة مع برنامج "et بالعربي" أنه تلقى 4 مكالمات هاتفية من خطيبة هيثم، وعلم منها أن الفنان الراحل حدثها هاتفيا قبل وفاته قائلا: "خلي أيمن يلحقني".

وأوضح صديق الفنان الراحل، أن علاقته بهيثم تعود إلى 8 أعوام مضت، حيث كان معتادا على المبيت معه في منزله، إلا أنه تخلف عن هذه العادة يوم الوفاة بسبب ظرف عائلي.

 

على الجانب الأخر، خرجت إنجي سلامة خطيبة هيثم أحمد زكي عن صمتها للمرة الأولي منذ وفاة خطيبها، الأسبوع الماضي، حيث عبرت عن حزنها الشديد لفراقه وأنه اختبار صعب من الله، ولكنها نصحت كل من حزن لوفاة الفنان الشاب بالتقرب من الله خلال الفترة المقبلة، خاصةً أن جزاء الصبر كبير عند الله.

وكتبت إنجي عبر حسابها الشخصي على "فيس بوك": "انا بكتب الكلام ده وانا مش قادرة اكتب حاجة بس قلت ممكن يكون فيه اي حاجة تفيد أي شخص تكون في ميزان حسنات هيثم وانا بفكر نفسي قبلكم والله كلنا بيعدي علينا اختبارات في حياتنا وممكن نحس انه اختبار كبير اوي وصعب بس ربنا قال: ( الذين إذا اصابتهم مصيبة قالوا إنا لله وإنا اليه راجعون أولئك عليهم صلوات من ربهم ورحمة وأولئك هم المهتدون ).

وتابعت: "يعني انا كلي لله ورجعاله علشان الواحد يفتكر انه في الاخر ملوش غير ربنا وكلنا في الاخر رجعنله مهما قلوبنا تعلقت بأشخاص أو أشياء.. سيدنا يعقوب لما قالوله ان ابنه سيدنا يوسف توفي قال: (فصبر جميل والله المستعان على ما تصفون) الصبر الجميل مش معناه ان مفيش حزن هو كان حزين جدا على يوسف واخوه.. بس يكون فيه رضا... في ناس وقت البلاء ممكن تقول ليه يا رب عملت فيا كده أو اشمعنى انا ويقول انا صابر بس ده مش معنى الصبر اني اكون معترضة على قضاء الله".

وأضافت إنجي: "دايما خلي شكوتك لله واتكلم معاه من قلبك ربنا سميع قريب ودود مجيب زي ما سيدنا يعقوب قال كمان ( إنما أشكو بثي وحزني إلى الله وأعلم من الله ما لا تعلمون ).. اي ابتلاء انت بتعدي بيه دلوقتي ليه اخر وليه جزاء وهتشوف جزاء الصبر ده في الدنيا والاخره بس خليك راضي بقضاء الله ربنا قال: ( سيجعل الله بعد عسر يسرا) ده وعد".


وواصلت: "الصبر معناه اني راضية وعارفة ان في جزاء كبير اوي وفي خير ( انما يوفى الصابرون اجرهم بغير حساب ) ( والصابرين في البأساء والضراء وحين البأس أولئك الذين صدقوا وأولئك هم المتقون ).. وقت البلاء ممكن تلاقي ناس كتير حواليك ربنا بعتهوملك يهونوا عليك لكن مفيش حد في ايده حاجة بجد غير الله ومحدش هيبقى حاسس بوجعك غيره ( ليس لها من دون الله كاشفة ) ( أمن يجيب المضطر اذا دعاه ويكشف السوء).. ( إن يمسسك الله بضر فلا كاشف له الا هو ) ربنا أعلم بالخير ليك وبالأصلح ليك ومع البلاء ربنا بينزل لطف وصبر يخليك تتعرف على ربنا بشكل جديد يمكن مكنتش تعرفه بيه لولا البلاء ده.. وأم سيدنا موسى لما ألقت بابنها في الماء ربنا ربط على قلبها وصبرها علشان هو اعلم بالخير وصبرت وربنا جمعها بيه تاني ( وأصبح فؤاد أم موسى فارغًا إن كادت لتبدي به لولا أن ربطنا على قلبها لتكون من المؤمنين ).. يمكن ربنا ميجمعكش باللي بتحبه في الدنيا لحكمة هو يعلمها وهو العليم الحكيم لكن يجمعنا بيهم في الجنة في الحياه الحقيقية اللي مفيهاش ولا حزن ولا تعب ولا مرض ولا فراق ( ولهم فيها ازواج مطهرة وهم فيها خالدون".

واختتمت إنجي حديثها قائلة: "اي حد فقد شخص عزيز خليك عارف ان مش دي النهاية هو بس انتقل قبلك بشوية لحد ما انت كمان تخلص رسالتك في الأرض ومهما طال الوقت فهو برده قصير في الاخر هنقول ده اكنه كان يوم أو اقل كمان ( يوم أو بعض يوم ) ( وما أمر الساعة الا كلمح البصر أو هو أقرب).. يا ريت كلنا نعمل حساب اليوم ده ونبتدي نتعرف على ربنا بأسمائه وصفاته وجماله علشان يوم لما يجلنا اليوم ده يبقى اسعد أيام حياتنا ( الذين تتوفاهم الملائكة طيبين يقولون سلام عليكم ادخلوا الجنة بما كنتم تعملون ) ( قيل ادخل الجنة. قال يا ليت قومي يعلمون بما غفر لي ربي وجعلني من المكرمين ).. أي حد اتغير بسبب هيثم أو أثر فيه يا ريت ياخد نية ان أي عمل خير بيعمله أو تغيير يكون في ميزان حسنات هيثم وادعوله دايما ويارب يجمعنا بكل احبابنا في الفردوس الاعلى بدون سابقة عذاب ولا عتاب ولا حساب".

 

 

تعليقات القراء