’’كان قلبه حاسس‘‘.. هكذا تحدث هيثم أحمد زكي عن الموت قبل أيام من وفاته
كتب: ضياء السقا
نعى الفنان محمد محمود عبد العزيز، صديقه الراحل هيثم أحمد زكي، التي توفى الخميس، متأثرا بهبوط حاد في الدورة الدموية.
ونشر عبد العزيز، صورة تجمعه بالفنان الراحل، عبر حسابه بإنستجرام، وقال عن هيثم: "غلبان ومحترم و حياته صعبه من طفولته و استحمل كتير و اتوجع كتير، عمره ما نادانى غير ب(اخويا) و عمرى ما ناديته غير ب(اخويا)، لما كنا نتقابل او نتكلم كنا بنرغى بالساعات و ياما اتكلمنا على ابويا و على ابوه و كنا بنقول عمرنا ما هنكون ربعهم، انا مش عارف انا بقول ايه... اللهم لا حول ولا قوة إلا بالله".
الحديث عن الموت
وأضاف: "اخر مره و احنا بنتكلم من ١٥ يوم كنا بنفكر هل لما نموت هنقابل ابوك وأبويا؟ و لما نقابلهم هانقولهم ايه و هايقولولنا ايه؟ سبقتنى وروحتلهم .. السلام امانه لحد ما اجيلكوا يا اخويا .. الله يرحمك يا هيثم يا اخويا .. (اسألكم الفاتحه و الدعاء لابويا و للاستاذ احمد زكى و لهيثم احمد زكى)".
اقرأ أيضا: ’’متشيلنيش همك‘‘.. خطيبة هيثم أحمد زكي تكشف تفاصيل آخر مكالمة بينهما