«ضربه وكسر رجله».. فتاة تتهم لاعب الأهلي السابق بالاعتداء على والدها

الموجز   

كشفت فتاة، تدعى فرح مصطفى، تفاصيل تعرض والدها للضرب والاعتداء من أحمد عادل، الظهير الأيمن السابق للنادي الأهلي.

وفي فيديو عبر حسابها بمنصة "تيك توك"، اتهمت فرح لاعب الأهلي السابق "بالاعتداء على والدها وكسر قدمه اليسرى."

وكشفت الفتاة عن تفاصيل الأزمة من البداية، حيث قالت: 'اللي حصل إن بابا كان في مارينا وأخواتي كانوا معانا، أخويا الصغير كان بيلعب مع ابن لاعب الكرة احمد عادل، ابنه معرفش عمل ايه وراح ضربه وعوره بخربوش في وشه، أخويا داخل يدافع عن أخوه الصغير وبعدهم عن بعض وبابا شاف اللي حصل وقاله معلش وألعبوا مع بعض، وبعدين اخد أخواتي عشان يأكلوا في مطعم'.

وأضافت فرح: 'بابا وهو بياكل في المطعم صاحب المحل جاله وبيقوله في واحد عايزك برة - في الإشارة إلى اللاعب أحمد عادل- طبعا  هو لو عايز يتكلم كان دخل جوا بس هو عارف هيعمل اية'، مرادفة: 'باب طلع له عشان يتكلم معه، بدء اللاعب يكلمه برطيقة وحشة وبيشوحله وبابا بيحاول يهديه وقاله الموضوع اتحل ومش مستاهل، فضل يزوقه في كتفة، بابا قاله عيب كلمني باسلوب كويس وإحنا ناس متحضرة'.

وأكملت: 'اللاعب فضله يخبطه في وشه وكتفة وبابا راحه ضربه، وبعد كده بابا لقى 4 ستات ماسكين فيه وفيه واحدة مسكته من رقبته بتخربشه وواحدة من رجلة شمال، وهو عشان لاعيب كورة عارف الرجل بتكسر من اية، قام خبط بابا بالشلوت كسرله قصبه رجلة'.

وأردفت الفتاة: 'اللاعب اتمسك في برج العرب ومعمول فيه محضر ولما نشوف اخرتها مع البلطجة دي، أنا مش شايفه الموضوع يستحق تيجي تتناقش فيه هو احنا اللي ابننا متعور ومتخربش انا مشفتش كده في حياتي اية البلطجة دي'.

وكانت أسرة المجني عليه قد حررت محضرًا برقم 387 لسنة 2024 جنح مارينا، بعد تعرض مصطفى محمود لاعتداء من قبل أحمد عادل، لاعب النادي الأهلي السابق، حيث تم نقل المجني عليه إلى مستشفى العلمين، وأجرى عملية جراحية على إثر الواقعة.